गण्डकीका अर्थमन्त्री बरालको उम्मेदवारी खारेजीको माग गर्दै उजुरी

राजनीति

नेपाल लाइभ बुधबार, कात्तिक ३०, २०७९ १३:१८

पोखरा– गण्डकीका अर्थमन्त्री रामजीप्रसाद बरालको उम्मेदवारी खारेज गर्न माग गर्दै मुख्य निर्वाचन अधिकृतको कार्यालयमा उजुरी परेको छ।

युवा तथा साना व्यवसायी स्वरोजगार कोषले २०७६ साल माघमा कालोसूचीमा राखेको भन्दै गठबन्धनको तर्फबाट प्रतिनिधि सभा सदस्यका लागि कास्की ३ बाट उम्मेदवार बनेका माओवादीका नेता बरालविरुद्ध उजुरी परेको हो।

बरालले सरकारी संयन्त्रबाट लिएको कर्जा नतिरेर उम्मेदवार बनेको भन्दै पोखरा २४ का बोधराज सुवेदीले उजुरी गरेका हुन्।

बराल संलग्न रहेको पोखरा ९ नयाँबजारस्थित गण्डकी माछापुच्छ्रे सहकारी संस्थालाई कोषले ५० लाख रुपैयाँ कर्जा दिएको थियो। त्यसको साँवा, ब्याज २०७३ साल असार मसान्तसम्म बुझाउनुपर्ने थियो।

तर, नबुझाएपछि कोषले उक्त संस्थामा संलग्न बरालसहित १५ जनाको नाम कालोसूचीमा राखेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु