पर्शुराम नगरपालिकाकी उपप्रमुखलाई आयोगले सोध्यो स्पष्टीकरण

राजनीति

नेपाल लाइभ मंगलबार, कात्तिक २९, २०७९ १९:५९

काठमाडौं– निर्वाचन आयोगले डडेलधुराको पर्शुराम नगरपालिकाका उपप्रमुख विमल बोहरा थापालाई आफ्नो पालिकाभित्र निर्वाचन आचारसंहिता विपरीत आफूनिकट दल र उम्मेदवारलाई मत मागेको विषयमा स्पष्टीकरण सोधेको छ।

डडेल्धुरा जिल्ला पर्शुराम नगरपालिका अन्तर्गत विभिन्न वडामा आफूनिकट पार्टीका उम्मेदवारका लागि मत मागेको र कार्यक्रममा सहभागी भएको देखिने सामग्रीहरू संलग्न गरी आयोगमा उजुरी प्राप्त भएकोले देहायका विषयमा स्पष्ट गरी पत्र कुनै माध्यमबाट प्राप्त भएको २४ घण्टाभित्र निर्वाचन आयोगमा प्राप्त हुने गरी लिखित स्पष्टीकरण पेश गर्न भनिएको आयोगले जनाएको छ।

निर्वाचन आचारसंहिता, २०७९ को दफा ५, नेपाल सरकार, प्रदेश सरकार, मन्त्री र स्थानीय कार्यपालिका तथा सोका पदाधिकारीले पालना गर्नुपर्ने आचरण अन्तर्गत खण्ड (क) मा कुनै राजनीतिक दल वा उम्मेदवारको पक्ष वा विपक्षमा प्रचारप्रसारमा संलग्न हुन वा प्रचारप्रसार गर्न नहुने तर ‘स्थानीय कार्यपालिकाका पदाधिकारी आफू बहाल रहेको स्थानीय तह बाहेक अन्य स्थानीय तहमा सम्बन्धित राजनीतिक दलको निर्वाचन प्रचार प्रसारको काममा संलग्न हुन सक्नेछ भन्ने व्यवस्था रहेको हुँदा तपाईं पर्शुराम नगरपालिकाको उपप्रमुखले उक्त नगरपालिकाभित्र कुनै पनि दलका उम्मेदवारको निर्वाचन प्रचारप्रसार गरेको अवस्थामा निर्वाचन आचारसंहिताको उल्लंघन हुने देखिन्छ। उल्लेखित सन्दर्भमा तपाईं निर्वाचन आचारसंहिताको उल्लंघन हुने गरी कुनै दलका उम्मेदवारको प्रचारप्रसारमा संलग्न हुनु भएको हो, होइन?’, स्पष्टीकरण पत्रमा भनिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजका लागि यस्तो छ विदेशी मुद्राको विनिमय दर

ट्रम्पको आश्वासनपछि अमेरिकामा चल्न थाल्यो टिकटक

आजको मौसम: तराईमा हुस्सु, कर्णालीका केही ठाउँमा हिमपातको सम्भावना