मलाई फेरि तपाईंहरूको भरोसा र स्नेह चाहिएको छ : गगन थापा

राजनीति

नेपाल लाइभ मंगलबार, कात्तिक २९, २०७९ १८:००

काठमाडौं- नेपाली कांग्रेसका महामन्त्री एवम् काठमाडौं क्षेत्र नम्बर-४ का उम्मेदवार गगन कुमार थापाले चुनौतीपूर्ण नयाँ भूमिकाका लागि सहयोग गर्न मतदातालाई अनुरोध गरेका छन्।

मंगलबार थापाले कृतज्ञतापत्र जारी गर्दै आफूले जीवनमा आर्जेको परिचय र पृष्ठभूमि आम मानिसले आफूप्रति गरेको विश्वास र भरोसाको प्रतिफल भएको उल्लेख गरेका छन् ।

थापाले भनेका छन्, ‘ड्राइभिङ सिटमा बसेर समुन्नतीको यात्रालाई अगाडि लैजान सक्छु भन्ने मेरो आत्मविश्वासको स्रोत र अग्रमोर्चामा उभिने आँट मैले अहिलेसम्म हासिल गरेको अनुभव र तपाईंहरूको ममता र भरोसाले दिएको हो। मलाई यो चुनौतीपूर्ण नयाँ भूमिकाका लागि सदा झै तपाईहरुको आड,भरोसा र स्नेह चाहिएको छ।’

'यथार्थमा म जे हुँ,तपाईंहरूकै प्रेरणा र प्रोत्साहनको परिणाम मात्र हुँ। म तपाईंहरूकै स्नेहले कोरिएको सृजना हुँ,' उनले लेखेका छन्।

उनले समुन्नत नेपालका लागि आफूसँगै प्रदेश सभा (१) का उम्मेदवार श्रीराम लामिछाने र प्रदेश सभा (२) का उम्मेदवार कुसुम कुमार कार्कीलाई समेत मत दिएर विजयी गराउन आग्रह गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजका लागि यस्तो छ विदेशी मुद्राको विनिमय दर

ट्रम्पको आश्वासनपछि अमेरिकामा चल्न थाल्यो टिकटक

आजको मौसम: तराईमा हुस्सु, कर्णालीका केही ठाउँमा हिमपातको सम्भावना