प्रचण्डमाथि ओलीको कटाक्षः गोरखामा पनि भोट पाएर चुनाव जित्ने स्थिति रहेनछ, मान्छे कुट्न थाले

राजनीति

नेपाल लाइभ सोमबार, कात्तिक २८, २०७९ १५:१३

काठमाडौं– नेकपा (एमाले)का अध्यक्ष केपी शर्मा ओलीले नेकपा (माओवादी केन्द्र)का अध्यक्ष पुष्पकमल दाहाल प्रचण्डले भोटले नजित्ने ठोकुवा गरे।

सोमबार चितवनमा आयोजित चुनावी सभामा माओवादी अध्यक्ष प्रचण्डतर्फ इंगित गर्दै ओलीले एमालेसँग दुश्मनी गरे सिद्धिने चेतावनी दिए।

‘मलाई थाहा थियो। एमालेसँग दुष्मनी गर्नेहरू सिद्धिन्छन्। राम, सीतार, लक्ष्मण हनुमानसँग चुप लागेको भए हुन्थ्यो। दुष्मनी गरे। उकालोतर्फ लागे एकपटक काम लाग्छ। भागेको पनि एकपटक काम लाग्छ। हालत के रहेछ हामीले हेर्यौं। गोरखामा पनि भोट हालेर चुनाव जित्ने हालत रहेनछ। अब मान्छे कुट्न थाले। लखेट्न थाले।’

खाना खाइराखेको, छलफल भइराखेको ठाउँमा गुण्डा पठाएर बोतलै बोतले हानेर टाउको फुटाएको आलीले आरोपसमेत लगाए।

ओलीले एमाले सरकार आएमा स्यानिटरी प्याडको व्यवस्थाका लागि महिलाहरूको खातामा पैसा राखिदिने दाबी गरे।

‘अहिले हामीले महिनावारी उमेर समूहका सबै महिलालाई महिनाको १२५ का दरले वर्षको एक हजार ब५ सय रुपैयाँ स्यानिटरी प्याडका लागि पैसा बैंक खातामा राखिदिने भनेका छौं। यो कसैले पनि हटाउन त के, कटाउन पनि सक्दैन। अब यो बढाउनेबाहेक कुनै विकल्प छैन’, उनले भने, ‘जे सुरु गर्छ एमालेले गर्छ। अरुले त कुरा गर्ने हो।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू-१९ महिला विश्‍वकप : स्कटल्यान्डविरूद्ध टस जितेर नेपाल ब्याटिङ गर्दै

भीम रावलको अभियानलाई समर्थन गर्दै ५९ जनाले छाडे एमाले [प्रेस विज्ञप्ती सहित ]

चितवनमा प्रहरीले युवक कुटेको भिडिओ भाइरल , छानबिनका लागि समिति गठन