चितवन पुगरे प्रचण्डप्रति लक्षित गर्दै ओलीले भनेः राम, सीता र लक्ष्मणसँग दुष्मनी गर्ने सिद्धिन्छन्

राजनीति

नेपाल लाइभ सोमबार, कात्तिक २८, २०७९ १४:४०

काठमाडौं– नेकपा (एमाले)का अध्यक्ष केपी शर्मा ओलीले राम, सीता र लक्ष्मणसँग दुष्मनी गर्नेहरू सकिएको बताएका छन्। चितवनमा सोमबार भएको चुनावी सभालाई सम्बोधन गर्दै अध्यक्ष ओलीले उक्त टिप्पणी गरेका हुन्।

ओली प्रधानमन्त्री हुँदा चितवनको ठोरीमा राम–लक्ष्मण जन्मेको स्थान भन्दै मुर्ती बनाएर पठाएका थिए।

नेकपा (माओवादी केन्द्र)का अध्यक्ष पुष्पकमल दाहाल प्रचण्डलाई लक्षित गर्दै ओलीले उक्त अभिव्यक्ति दिएका हुन्।

‘मैले राम–लक्ष्मण जन्मिएको, बसेको, खेलेको र राज गरेको ठाउँमा राम जन्मभूमि ल्याउँदा एकजना यतैका हुँ भन्ने नेताले मलाई त गधा बोकेको हनुमान पठाए, लखेट्ने भयो भने’, उनले भने, ‘मलाई थाहा थियो, एमालेसँग दुष्मनी गर्ने पनि सकिन्छन्, राम, सीता र लक्ष्मणसँग दुष्मनी गर्ने पनि सिद्धिन्छन्।’

माओवादी अध्यक्ष प्रचण्डले योपटकको चुनावमा गृहजिल्ला चितवन छोडेर गोरखा– २ बाट उम्मेदवारी दिएका छन्। यसलाई ओलीले भागेको संज्ञा दिने गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू-१९ महिला विश्‍वकप : स्कटल्यान्डविरूद्ध टस जितेर नेपाल ब्याटिङ गर्दै

भीम रावलको अभियानलाई समर्थन गर्दै ५९ जनाले छाडे एमाले [प्रेस विज्ञप्ती सहित ]

चितवनमा प्रहरीले युवक कुटेको भिडिओ भाइरल , छानबिनका लागि समिति गठन