काठमाडौं– नेकपा (माओवादी केन्द्र)का अध्यक्ष पुष्पकमल दाहाल प्रचण्डले आफू चुनाव लड्न गोरखा गए पनि चितवनप्रति नै चिन्ता र चासो रहेको बताएका छन्।
चुनावी सभालाई सम्बोधन गर्न चितवन पुगेका प्रचण्डले शनिबार यस्तो बताएका हुन्।
‘म चितवनबाट निर्वाचन लड्न गोरखा गए पनि मेरो घर चितवन नै हो र चितवनको विकास निर्माण र समृद्धिमा मेरो चासो र चिन्ता छ। यसर्थ, तपाईंहरूलाई मेरो सहयोग निरन्तर जारी रहनेछ’, प्रचण्डले भने, ‘म चितवनकै हो र यहाँको विकासको हमेसा चिन्ता रहनेछ।’
त्यस्तै, उनले गोरखा जानुको पछाडि केही कारण रहेको र त्यसलाई बुझिदिन चितवनबासीलाई आग्रह गरे।
‘म गोरखा जानुको पनि केही अर्थ छ। त्यहाँका जनताको म ऋणी छु। गोरखा जानुको अर्थ मैले चितवन छोडेको होइन’, उनले भने।
प्रचण्डले चितवन निर्वाचन क्षेत्र नम्बर ३ छोडेर योपटक गोरखा २ बाट उम्मेदवारी दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
