अबको मुख्य सवाल दिगो विकास र स्वदेशमै रोजगारी: प्रदीप पौडेल

राजनीति

नेपाल लाइभ शुक्रबार, कात्तिक २५, २०७९ २०:०२

काठमाडौं– नेपाली कांग्रेसका युवा नेता प्रदीप पौडेलले अबको मुख्य सवाल दिगो विकास रहेको बताएका छन्।

शुक्रबार काठमाडौंको टोखा नगरपालिका वडा नं ६ मा आयोजित कार्यक्रमलाई सम्बोधन गर्दै काठमाडौं–५ को प्रतिनिधि सभाका उम्मेदवारसमेत रहेका पौडेलले सो कुरा बताएका हुन्।

कार्यक्रमलाई सम्बोधन गर्दै नेता पौडेलले आगामी निर्वाचनपछि राजनीतिक अवस्थालाई परिवर्तन गरी सुव्यवस्था कायम गर्ने, दिगो विकास कायम र स्वदेशमै रोजगारी लगायतका सवाल मुख्य हुने बताए।

‘आजको मुख्य सवाल हो बिग्रँदो राजनीतिक अवस्थालाई परिवर्तन गरी सुव्यवस्था कायम गर्ने’, नेता पौडेलले भने, ‘आजको मुख्य सवाल हो दिगो विकास र स्वदेशमै रोजगारी हो।’

त्यसैगरी, विश्वका विभिन्न सफल मानिसहरूको उदाहरण दिँदै हामीले हाम्रो परिचय आ–आफ्नो कर्मबाट बनाउनुपर्ने बताए।

‘हामी कुन गाउँ र कुन ठाउँबाट आयौँ, त्यो मुख्य सवाल होइन, यस्ता कुरा कुनै काम नगर्ने ले बहाना बनाउने हो, काम गर्नेले जहाँ गएर नी काम गर्न सक्छ, सन्तोष साह ले बिबिसि सेफमा चर्चा कमाएर सिङ्गो देशको इज्जत राखे, अमेरिकी उपराष्ट्रपति कमला ह्यारिसले लगाउनुभएको कोट नेपाली फेसन डिजाइनर प्रबल गुरुङले डिजाइन गर्नुभएको कुराले संसारभरी चर्चा भयो। हामी अहिले ग्लोबल सिटिजन भएर बाँचेका छौं, त्यसैले हामीले हाम्रो परिचय हाम्रो कर्मले बनाउने हो’, उनले भने।

त्यस्तै, उनले नेताहरूले राजनीतिमा के–कति काम गरेको भन्ने जनताको मन जित्न सक्यौँ वा सकेनौँ भन्ने कुराले निर्धारण गर्ने बताए।

‘हामीले राजनीतिमा पनि के कस्ता काम गर्यौ, जनताको मन जित्न सक्यौ सकेनौं भन्ने कुराले निर्धारण हुन्छ’, उनले भने, ‘काम गर्न कसले सक्छ त्यो तपाईंले हेर्ने विषय हो, कसको प्रतिबद्धता के थियो र कति पूरा भयो भन्ने आधारमा मूल्याङ्कन गर्ने हो। उसले उठाएका मुद्दा के कस्ता छन् हामीले त्यो हेर्ने हो।’

त्यसैगरी, आफूसँग बालबालिकाको लागि राम्रो शिक्षा, युवाहरूका लागि रोजगारी र वृद्धवृद्धाका लागि राम्रो स्याहारको व्यवस्थासहितको अजेन्डासमेत रहेको पौडेलले दाबी गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सरकार मुलुकमा शान्ति सुरक्षा कायम राख्न दृढ : गृहमन्त्री लेखक

प्राकृतिक प्रकोपबाट करिब १७ हजार श्रीलङ्काली प्रभावित

बच्चाहरूमा कलेजो रोगका प्रारम्भिक संकेतहरू