गठबन्धनमा मत साटासाट गर्ने हो, लिनेदिने हैन : महासचिव भुसाल

निर्वाचन विशेष

नेपाल लाइभ शुक्रबार, कात्तिक २५, २०७९ १६:२२

फाइल तस्बिर

काठमाडौं– नेकपा एकीकृत समाजवादीका महासचिव बेदूराम भुसालले गठबन्धनका उम्मेदवारलाई मत हाल्दा कुनै पनि दुविधामा नरहन आग्रह गरेका छन्।

मत साटासाट गर्ने हुँदा गठबन्धनका उम्मेदवारलाई मत दिँदा लेनदेनको विषय नबनाउन पनि भुसालले आग्रह गरेका छन्। काठमाडौं क्षेत्र नम्बबर १० को चुनावी सभालाई सम्बोधन गर्दै भुसालले उक्त आग्रह गरेका हुन्।

‘रुखमा मतदान गरिरहेका मतदाताले हैंसिया हतौडा वा कलममा कसरी मतदान गर्न सकिन्छ, कलममा मतदान गर्दै गरेकाले रुखमा कसरी मतदान गर्न सकिन्छ भन्ने एक खालको दुविधा रहेको देखिन्छ, सुनिन्छ। मलाई के लाग्छ भने यसमा कुनै प्रकारको दुविधा राख्न जरुरी छैन। किनभने हामी कसैले कसैलाई दिने हैन एकअर्कोलाई साटासाट गर्ने हो,’ भूसालले भने, ‘एक ठाउँमा हामी एउटा पार्टीलाई दिन्छौं, अर्को ठाउँमा त्यही पार्टीले हामीलाई दिन्छ त्यस कारण हामीले मत साटासाट गर्ने हो।’

यो क्षेत्रमा प्रतिनिधि सभाका लागि नेपाली कांग्रेसका राजन केसीले उम्मेदवारी दिएका छन्। उनी सत्तागठबन्धनका साझा उम्मेदवार हुन्। यद्यपी, नेकपा माओवादी केन्द्रकी नेतृ अञ्जना विशंखेले पनि उम्मेदवारी दिएपछि केसी र विशंखेबीच मित्रवत प्रतिस्पर्धा गर्ने सहमति भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पदाधिकारी बैठकमा देउवा : गभर्नर चाँडै नियुक्ति हुन्छ

डिपेन्डेन्ट भिसामा क्यानडा लैजाने भन्दै ठगी गरेको आरोपमा एक महिला पक्राउ

भारत-पाकिस्तान तनाव बढ्दै जाँदा बीसीसीआईले रोक्यो आईपीएल