माधव नेपाललाई ओलीको प्रश्न– मुद्दा गरेर सरकार बनाउन र ढाल्न मिल्छ र?

राजनीति

नेपाल लाइभ बिहीबार, कात्तिक २४, २०७९ १८:२९

काठमाडौं– एमाले अध्यक्ष केपी शर्मा ओलीले पूर्वसहकर्मी रहेका एकीकृत समाजवादीका अध्यक्ष माधवकुमार नेपाललाई सरकार बनाउने कुरा मुद्दा लडेर नपाउने भन्दै कटाक्ष गरेका छन्।

बिहीबार पार्टी प्रवेश कार्यक्रममा नेपालले ओली निरंकुशतावादी भएको आरोप लगाउँदै संसद् विघटन गरेपछि उनलाई सरकारबाट हटाउनु परेको प्रतिक्रिया दिएका थिए।

बिहीबार नै झापामा आयोजित चुनावी सभालाई सम्बोधन गर्दै अध्यक्ष ओलीले नेता नेपाललाई जवाफ फर्काएका हुन्।

‘माधव नेपालको भाषण हेर्दै थिएँ। उनले केपी ओली आफ्नो सरकारबाट कसैले ढाल्न सक्दैन भन्थे हामीले ढालरे देखाइदियौंं भने। म त्यसो भन्दै–भन्दिन,’ ओलीले भने, ‘मैलै गलत ढंगले मेरो सरकार ढालेमात्रै भनेको हुँ। किनकि, उनीहरूले सरकार जनताबीच ढालेका होइनन्, नत संसदबाट नै! अदालतबाट ढाले। सरकार भनेको मुद्धा लडेर ल्याउने चीज हो र? मुद्धा गरेर सरकार बनाउन र ढाल्न मिल्छ? लोकतन्त्रमा त्यस्तो हुन्छ?’

अध्यक्ष ओलीले चुनावपछि अरुलाई सरकारमा सहभागी गराए पनि अरुको भर नपर्ने गरी सरकार बनाउने उद्घोष गरे। एमालेले एकल बहुमत ल्याउने उनले दोहोर्याए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु

रविसहित ७ जनालाई थुनामा राख्न माग गर्दै उच्चमा निवेदन