प्रचण्ड–देउवाबीच नक्कली मित रहेको ओलीको टिप्पणी

राजनीति

नेपाल लाइभ बिहीबार, कात्तिक २४, २०७९ १७:४४

काठमाडौं– नेकपा एमालेका अध्यक्ष केपी शर्मा ओलीले माओवादी अध्यक्ष पुष्पकमल दाहाल प्रचण्ड र प्रधानमन्त्री शेरबहादुर देउवा नक्कली मित लाएर हिँडेको टिप्पणी गरेका छन्। गृहजिल्ला झापाको सुरुङ्गामा भएको चुनावी सभालाई सम्बोधन गर्दै ओलीले उक्त टिप्पणी गरेका हुन्।

‘कांग्रेसका ४–५ सय कार्यकर्ता माओवादीले मारेको थियो। अहिले त्यहि माओवादी काँधमा बोकेर हिँडेको छ। शेरबहादुरलाई बम हानेको थियो, धन्न बाँचेका थिए,’ उनले भने, ‘प्रचण्डलाई बोक्न लेखेको रहेछ बचे।’

अध्यक्ष ओलीले शेरबहादुरकै पछि लाग्न जुरेकाले टाउकाको मोल तोकेको बेला प्रचण्ड पक्राउ नपरेकी टिप्पणी गरे। उनले भने, ’शेरबहादुरजीले प्रचण्डको टाउकाको मोल ५० लाख तोक्नुभएको थियो। शेरबहादुरका पछि–पछि लाग्न जुरेको रहेछ र त उनी पक्राउ परेनन्। पक्राउ परेका भए कसैले इनाम लिन्थ्यो।’

उनले अहिले दुईटैले नक्कली मित लाएर कुदिरहेको र चुनावपछि के–के हुँदै जान्छ देखिने बताए। उनले सक्कली मित नभएकाले धेरै नटिक्ने दाबी गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु

रविसहित ७ जनालाई थुनामा राख्न माग गर्दै उच्चमा निवेदन