पत्रकार सरोजराज अधिकारी मृत फेला

सुरक्षा/अपराध

नेपाल लाइभ बुधबार, कात्तिक २३, २०७९ २१:१९

काठमाडौं– पत्रकार सरोजराज अधिकारी मृत फेला परेका छन्। उनी बुधबार दिउँसो काठमाडौंमा मृत फेला परेको काठमाडौं प्रहरी प्रमुख भरत बोहराले जानकारी दिए।

मंगलबारदेखि सम्पर्कविहीन भएका उनको खोजीका लागि परिवारले प्रहरीमा निवेदन दिएको थियो। बुधबार उनी मृत फेला परेका हुन्।

आफ्ना कैयौँ समाचार रिपोर्टका कारण परिचित अधिकारी नेपाल लाइभका पूर्वसम्पादक पनि हुन्। उनले कान्तिपुर र नयाँ पत्रिका दैनिकमा पनि काम गरेका थिए।

अधिकारीका चक्रव्यूहमा चन्द्रसूर्य (गैरआख्यान), जासुसीको जालो (गैरआख्यान), धम्बोझी (उपन्यास) र रुपबजारकी नोरा (कथा संग्रह) पुस्तकहरू प्रकाशित छन्।

सामाजिक संजालमा एक सन्देश लेख्दै नेपाल पत्रकार महासंघका अध्यक्ष बिपुल पोख्रेलले भनेका छन्, ‘निडर, प्रतिभाशाली र सिर्जनशील पत्रकार एवं प्रिय मान्छे सरोजराज अधिकारीको निधनको खबरले स्तब्ध छु। हार्दिक श्रद्धाञ्जली, परिवारजनमा समवेदना।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू–१९ महिला विश्वकप: समूहचरणको अन्तिम खेल अस्ट्रेलियाविरुद्ध खेल्दै नेपाल

वामदेव एमाले प्रवेश गर्ने पक्का, सचिवालयले गर्‍यो सहकार्य गर्ने निर्णय

स्वदेशी वस्तु प्रयोगमा जुट्दै सरकार