प्रकाशमानको तर्क– विकास र समृद्धिका लागि कांग्रेसको जित अत्यावश्यक

राजनीति

नेपाल लाइभ बुधबार, कात्तिक २३, २०७९ १६:२९

काठमाडौं– नेपाली कांग्रेसका नेता प्रकाशमान सिंहले मुलुकलाई संकट पर्दा निकास दिनसक्ने पार्टी आफ्नो पार्टीमात्रै भएको बताएका छन्। बुधबार आफ्नै निर्वाचन क्षेत्रमा आयोजित चुनावी सभालाई सम्बोधन गर्दै काठमाडौं क्षेत्र नम्बर १ बाट उम्मेदवार रहेका सिंहले कांग्रेसको जित देशको विकास र जनताको समृद्धिका लागि आवश्यक रहेको बताएका हुन्।

‘कांग्रेसले परिवर्तनको नेतृत्व मात्रै गरेको छैन, सबै राजनीतिक शक्तिहरूलाई समन्वय गर्नसक्ने पार्टी पनि हो भन्ने कुरा कांग्रेसले पटक–पटक पुष्टि गरेर देखाइसकेको छ,’ उनले भने।

देशमा राजनीतिक अस्थिरता अन्त्य गर्न पनि कांग्रेसलाई मत दिनुपर्नेमा उनको तर्क थियो।

हालसम्म जेजति उपलब्धि हासिल भए यिनको संरक्षण गरी समृद्धिको अभियानको नेतृत्व गर्ने संकल्पका साथ कांग्रेस जनतामाझ आएको बताउँदै सिंहले भने, ‘चुनावी अभियानका क्रममा मीठा नारामा नअल्मलिकन जिम्मेवार र भरपर्दो राजनीति दल र नेता चुन्न म यहाँहरूलाई अपिल गर्छु।’

संसदीय निर्वाचनको महत्व काठमाडौं– १ का मतदाताले राम्रोसँग बुझेका छन् भन्दै सिंहले लोकतन्त्र र स्थायित्वको वकालत गरिरहेको कांग्रेसका पक्षमा मतदान गर्नेमा आफू ढुक्क भएको बताए।

सत्ता गठबन्धनका साझा उम्मेदवार रहेका सिंहका लागि एमालेका किरण पौडेल र राप्रपाका रवीन्द्र मिश्र मुख्य प्रतिस्पर्धी हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु