माओवादी छोडेका दुई तिहाइले प्रचण्डलाई भोट हाल्दैनन्– आचार्य

राजनीति

नेपाल लाइभ बुधबार, कात्तिक २३, २०७९ १३:४१

काठमाडौं– गण्डकी प्रदेश सरकारबाट निष्काशित ऊर्जा जलस्रोत तथा खानेपानीमन्त्री हरिशरण आचार्यले दुई तिहाई मतदाताले गोरखामा माओवादीलाई भोट नहाल्ने दाबी गरेका छन्।

सरकारबाट निष्काशनमा परेपछि आक्रोश पोख्दै उनले यस्तो बताएका हुन्। साथै डा बाबुराम भट्टराईलाई अन्यत्र बाटो नदेखेर आत्मसमर्पण गरेको आरोप लगाएका छन्।

कुनै बेला माओवादीलाई रातो स्टिकर लगाएको घर भन्दै त्यागेका भट्टराई अहिले कतै विकल्प नदेखेपछि फेरि माओवादीमै आत्मसमर्पण गर्न गएको आरोप लगाएका हुन्।

उनले भनेका छन्, ‘म ठोकुवा गरेर भन्छु। माओवादी छोडिसकेका २ तिहाईले फेरि प्रचण्डलाई भोट हाल्दैनन्, कुनै दिन रातो स्टिकर लगाएको घर भएको आफैंले भन्ने, अनि अहिले फेरि त्यही घरमा जाने हो भने के छ हाम्रो नैतिकता?’

आचार्यलाई आसन्न प्रदेश तथा प्रतिनिधि सभा निर्वाचनका लागि एमाले उम्मेदवारलाई सघाएको आरोप लगाउँदै प्रदेश सकारबाट निष्काशन गरिएको थियो।

आचार्य २०७४ सालमा बाबुराम भट्टराई नेतृत्वको नयाँ शक्ति पार्टी नेपालबाट गण्डकी प्रदेश सभामा निर्वाचित भएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु