उम्मेदवारको निधन भएसँगै मोरङ ३ (१) मा निर्वाचनको नयाँ प्रक्रिया सुरु, मतदान ४ गते नै हुने

राजनीति

नेपाल लाइभ बुधबार, कात्तिक २३, २०७९ १३:१६

काठमाडौं– मोरङ क्षेत्र नंबर ३ (१) का प्रदेश सभा उम्मेदवारको निधन भएपछि आगामी निर्वाचन प्रक्रियामा कुनै अवरोध नहुने निर्वाचन आयोगले बताएको छ।

सम्बन्धित दललाई उम्मेदवारी दर्ता र त्यसपछिका प्रक्रियाका लागि नयाँ कार्यतालिका सार्वजनिक गर्ने र मतदान भने मंसिर ४ गते नै हुने आयोगका प्रवक्ता शालिग्राम शर्मा पौडेले नेपाल लाईभलाई बताए।

‘सम्बन्धित दललाई उम्मेदवार मनोनयन, दावीविरोध, फिर्ता र अन्तिम नामावली प्रकाशनका लागि सम्बन्धित निर्वाचन अधिकृतको कार्यालयले नयाँ कार्यतालिका प्रकाशन गर्छ। र मतदान मसिर ४ गते नै हुन्छ,’ प्रवक्ता शर्माले भने।

प्रदेश १ का वनमन्त्रीसमेत रहेका मोरङ क्षेत्र नंबर ३ (१) का नेपाली कांग्रेसको तर्फबाट प्रदेश सभा सदस्य उम्मेदवार शेखरचन्द्र थापाको बुधबार निधन भएको छ। थापाको निधनपछि उक्त क्षेत्रमा निर्वाचन आयोगले कांग्रेसको तर्फबाट अर्को उम्मेदवारको मनोनयन प्रक्रिया सुरु गर्ने तयारी गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु