काठमाडौं– सत्तारुढ लोकतान्त्रिक–वाम गठबन्धनको तर्फबाट काठमाडौंं क्षेत्र नम्बर–२ को उम्मेदवानर रहेकी आनसरी घर्तीले चुनावी घोषणापत्र सार्वजनिक गरेकी छिन्।
मंगलबार सार्वजनिक भएको घोषणापत्रमा स्वास्थ्य, शिक्षा, खानेपानी, सरसफाई, रोजगारी, सामाजिक सुरक्षा, खेलकुदलगायत क्षेत्रमा गर्ने कामको प्रतिबद्धता समेटिएको छ।
घोषणापत्रमा तत्कालीन प्रधानमन्त्री केपी शर्मा ओलीले दुईपटकसम्म संसद् विघटन गरेका कारण देशको राजनीतिक स्थिरता, संवैधानिक सर्वोच्चता र जनताको आर्थिक समृद्धिप्रतिको तीव्र आकांक्षामाथि घात पुर्याएकाले उल्लेख छ।
साथै, बदलिएको राजनीतिक परिस्थितिमा देशलाई दिशानिर्देश गर्दै उत्पादनमुखी, समावेशी अर्थतन्त्र र दिगो विकासको युगमा लैजान संविधानको रक्षकका रुपमा लोकतान्त्रिक–वाम गठबन्धन निर्माण भएको दाबी गरिएको छ।
प्राकृतिक एवम् सांस्कृतिक पर्यटन तथा कृषिको प्रचुर सम्भावना बोकेको काठमाडौं–२ लाई राजधानीकै पर्यटकीय केन्द्रको रुपमा विकास गर्ने प्रतिबद्धता घोषणापत्रमा जनाइएको छ।
साथै, प्राकृतिक पर्यटकीय सर्किट क्षेत्रको पूर्वाधार विकास, सांस्कृतिक सम्पदाको संरक्षण, फलफूल खेती एवम् कृषिमा आधुनीकिकरण र कृषि पकेट क्षेत्रको विकास, साइकल लेनसहितको सडक सञ्जाल, विशेष खेलकुद क्षेत्रको विकास, साना तथा मझौला उद्योगको प्रर्र्बद्धन गर्ने कार्यक्रम घोषणापत्रमा समेटिएका छन्।
यसैगरी, गुणस्तरीय शिक्षा, सुलभ स्वास्थ्य, सफा खानेपानी, प्रयाप्त सिँचाइको व्यवस्था, स्वच्छ र स्वस्थ वातावरण, सुरक्षाको प्रत्याभूति, साथै नागरिकलाई रोजगारीका अवसरहरू सिर्जना गर्ने प्रतिबद्धता पनि घोषणापत्रमा उल्लेख गरिएको छ।
साँखु –फड्केश्वर सडकलाई पूर्णता दिई मध्यपहाडी लोकमार्ग सडकसँग जोड्ने तथा साँखुु– बज्रयोगिनी– घुुमारचोक– डाँडाकटेरी –चौही भञ्ज्याङ –धारापानी –पटाप –कुुण्डेश्वर हुँदै सिन्धुुपाल्चोक जोड्ने सडक निर्माणलाई पूर्णता दिने प्रतिबद्धता गरिएको छ।
यस्तै, चावहिल–साँखु सडकलाई मापदण्डअनुसार यथाशिघ्र निर्माण सम्पन्न गराउने, शालीनदी–मनोहरा–मुलपानी–हरहर महादेव–पेप्सीकोला–नरेफाँट–बालकुमारीहुँदै मनोहरा करिडोर निर्माण गर्ने र सार्वजनिक यातायातलाई व्यवस्थित गर्न इलेक्ट्रिक ट्राम सञ्चालन गर्ने, मनोहरा खोलाको कटान तथा डुबान नियन्त्रण गर्न तटबन्ध निर्माण गर्ने तथा जग्गा एकीकरण गर्न पहल गर्ने पनि घोषणापत्रमार्फत प्रतिबद्धता जनाइएको छ।
शिक्षा र स्वास्थ्य
पूर्वसभामुखसमेत रहेकी घर्तीले काठमाडौंैं–२ अन्तर्गतका सबै विद्यालयमा अनुसन्धान तथा आविस्कार केन्द्र स्थापना गर्ने घोषणा गरेकी छिन्। यस्तै, संविधानअनुसार निःशुल्क आधारभुत शिक्षा र स्वास्थ्यमाथि जनताको अधिकार स्थापित गराउने सरकारी तथा सामुदायिक विद्यालयमा भौतिक तथा प्राविधिक पूर्वाधार र शैक्षिक गुणस्तरको सुधार गरी सबै सरकारी शैक्षिक संस्थालाई विद्यार्थी र अभिभावकको पहिलो रोजाइ बनाउन पहल गर्ने घोषणापत्रमा उल्लेख गरिएको छ।
यसैगरी, सीमान्तकृत गरिब समुुदायका घर–परिवार लक्षित पौष्टिक आहार, सुुत्केरी स्याहार लगायतका विषेश कार्यक्रम संचालन गर्ने र प्रत्येक नागरिक स्वस्थ नागरिक अभियानअन्तर्गत खुला जिमको व्यवस्थापन गर्ने प्रतिबद्धता पनि घोषणापत्रमा गरिएको छ। यस्तै, शंखरापुुर नगरपालिका–३ जहरसिंह पौवामा सुुविधा सम्पन्न अस्पताल निर्माण गर्ने घोषणा गरिएको छ।
महिलाको सशक्तिकरणका लागि उद्यमशीलताको विकास, महिला हिंसा न्यूनीकरण र क्षमता विकासका नीति तथा योजना बनाउने माओवादी केन्द्रकी नेतृसमेत रहेकी घतीले ल्याएको घोषणापत्रमा उल्लेख छ।
साथै, गर्भवती महिलाको लागि निःशुल्क यातायातको सेवा प्रदान गर्ने, जनजाति तथा दलित वर्गलाई मध्यनजर गरेर आधुनिक र प्रविधिमैत्री उद्यमशीलता तथा सीप सिकाइ केन्द्रहरूको स्थापना गर्ने बताइएको छ।
त्यस्तै, सम्पूर्ण सरकारी कार्यालय तथा सामुदायिक संस्था, अस्पताल, सडक तथा यातायात, सार्वजनिक मठमन्दिर तथा गुम्बा र शैक्षिक संस्थाहरूलाई अपाङ्गमैत्री बनाउने पनि गठबन्धनले बाचा गरेको छ।
सुरक्षित सहरः व्यवस्थित बसोबास
मनोहरा करिडोर र पेप्सीखोलादेखि सिनामंगलसम्म सुरुङ मार्ग निर्माण गर्ने प्रतिबद्धता पनि गठबन्धनको तर्फबाट घर्तीले जारी गरेको घोषणापत्रमा उल्लेख । अन्तर्राष्ट्रिय विमानस्थलको धावनमार्ग मुनिबाट सुरुङ मार्ग निर्माण गरी पेप्सीकोला–सिनामंगल आवतजावतको व्यवस्था मिलाउने बाचा मतदातालाई गरिएको हो।
यसैगरी, जडीबुटीदेखि तीनकुनेसम्म अण्डर पास निर्माण गरी कोटेश्वर क्षेत्रमा हुने गरेको ट्राफिक जाम हटाउने घोषणापत्रमा प्रतिबद्धता गरिएको छ। यस्तै, आवश्यक स्थानमा मेलम्ची खानेपानी आयोजना जडान गर्ने, तीनकुनेको मुआब्जासम्बन्धी समस्या समाधान गरी उक्त स्थानमा अन्तर्राष्ट्रियस्तरको पार्क निर्माण गर्ने फोहोर र ढल व्यवस्थापन गर्ने, क्षेत्रअन्तर्गतका सबै खोलाहरूमा बग्ने प्लाष्टिकजन्य फोहोरलाई ट्रयाक¥याक निर्माण गरी संकलन गर्ने र उचित व्यवस्थापन गर्ने, पेप्सीकोला—ब्रह्मखेल सडकको निर्माण सम्पन्न हुुन बाँकी सडक खण्डलाई सम्झौताअनुुसार सम्पन्न गराउने, स्मार्ट सडक बत्ती र सीसीटीभी क्यामेरा जडान गरी उज्यालो, सुन्दर र सुरक्षित सहर बनाउने घोषणापत्रमा उल्लेख छ।
साथै, कागेश्वरी मनोहरामा खेलकुद पार्क, खेलकुद एकेडेमी तथा वैकल्पिक राष्ट्रिय रगंशाला निर्माण गरी खेल पर्यटनको प्रवद्र्धन गर्ने प्रतिबद्धता पनि गठबन्धनको छ। कागेश्वरीलाई प्रशस्त खानेपानीयुक्त, पर्यावरण मैत्री शहर बनाउने प्रतिबता गठबन्धनका उम्मेदवारले गरेका छन्।
शंकरापुरमा नेपालको कला, साहित्य र संस्कृति झल्किने गरी सांस्कृतिक ग्राम निर्माण गरी पर्यटन पवद्र्धन गर्ने, ऐतिहासिक र पुरातात्विक महत्व बोकेका नेवाः सांस्कृतिक सहर साँखु, शालीनदी, बज्रयोगिनी तथा मणिचुड क्षेत्रलाई समेटेर सुन्दर धार्मिक पर्यटकीय क्षेत्रको रुपमा विकास गर्न वृहत गुरुयोजना तयार गर्ने बताइएको छ। साथै, सोही अनुसारका संरचना निर्माण, सम्पदा संरक्षण, पर्यटकीय पथ, केवलकार निर्माणको पहल गर्ने साथै बज्रयोगिनी मन्दिरलाई विश्व सम्पदा सुूचीमा सूचीकृत गर्न आवश्यक पहल गर्ने घोषणा काठमाडौं– २ की उम्मेदवार घर्तीले गरेकी छिन्। काठमाण्डौं–२ मा वाम गठबन्धनका तर्फबाट प्रतिनिधिसभामा माओवादीबाट पूर्वसभामुख ओनसरी घर्ती तथा प्रदेश (क) मा काँग्रेसका ध्रुव केसी र प्रदेश (ख) मा एकिकृत समाजवादीवाट भरतप्रसाद फुयाँल उम्मेदवार छन् ।
हेर्नुहोस् पूर्णपाठ:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786875773.jpg)
-1786602170.png)
-1786513116.png)
