ओलीको दावी- मंसिर ४ पछि नेपालको झण्डा सहितको पानीजहाज

राजनीति

नेपाल लाइभ सोमबार, कात्तिक २१, २०७९ १३:५३

काठमाडौं- नेकपा एमालेका अध्यक्ष केपी शर्मा ओलीले मंसिर ४ पछि नेपालको झण्डा सहितको पानि जाहाज समुद्रमा आवागमन हुने बताएका छन्। पोखरामा भएको चुनावी सभालाई सोमबार सम्बोधन गर्दै ओलीले उक्त दावी गरेका हुन्।

आफू नेतृत्वको सरकारकै पालमा यो प्रक्रिया अघि बढेको तर देउवा सरकारले अनुमति नदिएकोले मंसिर ४ पछि एमालेको सरकार आउने र आवश्यक स्वीकृति दिएर सञ्चालनमा ल्याउने ओलीले बताए।

‘मंसिर ४ पछि हामी सञ्चालनका लागि स्विकृति दिन्छौं र हाम्रो पानीजहाज नेपाली झण्डा राखेर कोशी, गण्डकी हुँदै गंगाको बाटोबाट समुद्रसम्मको आवागमन छिटो, सस्तो र सुरक्षित हुन्छ। यसका लागि सर्भे भइसकेको छ। अब हामीले पोर्ट मात्र बनाउन बाँकी छ,’ ओलीले भने।

ओलीले आफूले पानि जाहाज सञ्चालन गर्ने भन्दा मजाक उडाएको दुखेसो पनि पोखे। उनले भने, ‘हामीले समुद्र हाम्रो पनि हो। हामी पानीजाहाज चलाउन सक्छौं भन्यौं, यहाँका केहि बुझक्कड ठान्नेहरुले मजाक उडाए।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु