प्रमुख निर्वाचन आयुक्त थपलिया भन्छन्- 'नो नट अगेन' वा 'वान्स मोर अगेन' भन्नूस् तर सभ्य भाषामा

निर्वाचन विशेष

नेपाल लाइभ सोमबार, कात्तिक २१, २०७९ ११:२८

काठमाडौं- प्रमुख निर्वाचन आयुक्त दिनेशकुमार थपलियाले चरित्र हत्या हुनेगरी निर्वाचनको प्रचार नगर्न आग्रह गरेका छन्।

प्रमुख निर्वाचन आयुक्त थपलियाले 'नो नट अगेन' भन्न पाइने तर गालीगलोजको भाषामा अर्को उम्मेदवारको चरित्र हत्या गर्ने काम नगर्न सबै उम्मेदवारहरुलाई पुनः सचेत गराए।

काठमाडौंमा आयोजित एक कार्यक्रममा बोल्दै उनले निर्वाचनलाई द्वेषपूर्ण, घृणास्पद अभिव्यक्ति दिएर दूषित नपार्न भन्दै आयोगले स्पष्टीकरण सोधेको दावी गरे। उनले विज्ञहरुलाई पनि निर्वाचनमा गालीगलोजको भाषा प्रयोग नगर्न उम्मेदवारलाई सुझाव दिन आग्रह समेत गरे।

‘तपाई नो नट अगेन भन्नूस अथवा नो नेभर अगेन भन्नूस्, तपाईँ इलेक्ट अगेन भन्नूस् अथवा इलेक्ट अगेन एण्ड अगेन भन्नूस,’ उनले भने, 'इलेक्ट वान्स अगेन भन्न पनि पाइन्छ। सबैथोक भन्नूस्। तर सभ्य भाषामा भनिदिनूस्। कसैको चरित्र हत्या नगर्ने गरी भनिदिनूस्।’
निर्वाचनलाई मिथ्या सूचना, दुष्प्रचार र द्वेषपूर्ण अभिव्यक्ति, घृणास्पद अभिव्यक्तिले खण्डित गर्ने र दूषित पार्ने नगरिदिनूस् भनेर आयोगले भनेको उनले दावी गरे।

प्रमुख निर्वाचन आयुक्त थपलियाले सञ्चार माध्यामहरुले निर्वाचन आचारसंहिता पालना गरे/नगरेको अनुगमन गर्ने काम आयोगको नभई प्रेस काउन्सिल नेपालको भएको पनि बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु