निर्वाचन आयोग मलाई उम्मेदवारबाट हटाउन किन लागिरहेको छ ? : तोसिमा कार्की

निर्वाचन विशेष

नेपाल लाइभ सोमबार, कात्तिक २१, २०७९ १०:५५

काठमाडौँ- ललितपुर- ३ की उम्मेदवार तोसिमा कार्कीले आफूलाई प्रतिस्पर्धाको मैदानबाट हटाउन खोजिएको आरोप लगाएकी छन्। उनले सामाजिक सञ्जालमा निर्वाचन आयोग तोसिमाको उम्मेदवारी खारेजीको माग राख्दै अदालत जाँदै गरेको समाचार सेयर गर्दै आयोग विरुद्ध यस्तो आरोप लगाएकी हुन्।

‘सर्वोच्च अदालतले उम्मेदवारी कायम गरिसकेपछि पनि मलाई प्रतिस्पर्धाको मैदानबाट हटाउँछु, हटाएरै छोड्छु भनेर निर्वाचन आयोग नै किन यसरी लागिरहेको छ,’ उनले थाप लेखेकी छन्, ‘जनताले कसलाई रोज्नुहोला त्यो आफ्नो ठाउँमा छ। नतिजा के होला त्यो आफ्नो ठाउँमा छ। तर मैले यो कानुनी राज्यमा म आफ्नै बलबुता, क्षमताले जनताको लागि केही गर्छु भनेर उम्मेदवारी दिएको व्यक्ति हो। मात्र मैले बैठकमा गएको बेला बैठक भत्ता लिएँ भनेर अब के मैले यो चुनावमा उठ्नै नपाउने?’

उनले मेडिकल काउन्सिल स्वायत्त संस्था भएको बताएकी छन्। काउन्सिलको नियमित सरकारी बजेट नभएको र काउन्सिलको बैठक भत्ताको स्रोत सरकारी कोष नभएको बताएकी छन्।

आयोगले काउन्सिलको सदस्यले राज्यकोबाट भत्ता प्राप्त गर्ने भन्दै उनको उम्मेदवारी खारेज गरिदिएको थियो। तर सर्वोच्च अदालतले डा तोसिमा कार्कीको उम्मेदवारी कायमै राख्न निर्वाचन आयोगलाई अन्तरिम आदेश दिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु