स्याङजा– स्याङजा जिल्लाको गल्याङ्ग नगरपालिका १ स्थित राम्दी पुलबाट कालीगण्डकी नदीमा हाम फालेका एक युवकको सशस्त्र प्रहरीले शुक्रबार सकुशल उद्धार गरेको छ।
हरिबोधिनी एकादशी स्नान गर्न गएका सोही जिल्लाको भिरकोट नगरपालिका १ बयरघारी बस्ने ३७ वर्षीय ईश्वर दर्जी उक्त नदीमा हाम फालेका थिए।
सो घटनाबारे जानकारी पाएलगत्तै सशस्त्र प्रहरी बल नेपाल नम्बर ३० गुल्म स्याङजाबाट सशस्त्र प्रहरी सहायक निरीक्षक अर्जुन चन्दको कमाण्डमा खटिएको विपद् व्यवस्थापन तालिम प्राप्त टोलीले उनलाई सकुशल उद्धार गरेको हो।
उद्धारपश्चात उनलाई प्रहरी चौकी राम्दीमा बुझाइएको सशस्त्र प्रहरी नायब उपरीक्षक शैलेन्द्र थापाले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750517330.png)
-1750489406.png)
-1749826086.png)
