खुकुरी प्रहार गरी काठमाडौंको गोठाटारमा ७० वर्षीया बृद्धाकोे हत्या

सुरक्षा/अपराध

नेपाल लाइभ शुक्रबार, कात्तिक १८, २०७९ १६:२१

काठमाडौं– खुकुरी प्रहार गरी काठमाडौंको गोठाटारमा एक बृद्धाकोे हत्या गरिएको छ। हत्या आरोपमा प्रहरीले एक जनालाई पक्राउ गरेको छ।

घटना बिहीबार राति १० बजेको हो। हत्या भएलगत्तै राति प्रहरीलाई सूचना आएको थियो। लगत्तै प्रहरी प्रभाग काँडाघारी र प्रहरी वृत्त नयाँ बानेश्वरबाट प्रहरीको टोली खटिएर अनुसन्धान अघि बढाएको थियो।

सिन्धुपाल्चोक चौतारा नगरपालिका–७ घर भइ गोठाटार डेरा गरी बस्ने ७० वर्षीया फुलमाया तामाङको हत्या भएको खुलेको थियो।

हत्यामा संलग्न भएको आरोपमा प्रहरीले चौतारा–७ घर भइ गोठाटार बस्ने ३५ वर्षीय विजय भनिने जयबहादुर तामाङलाई पक्राउ गरेको हो।

जयबहादुरविरुद्ध ‘ज्यान सम्बन्धी कसूर’ मुद्दामा प्रहरी बृत्त नयाँ बानेश्वरबाट अनुसन्धान अघि बढाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू–१९ महिला विश्वकप: समूहचरणको अन्तिम खेल अस्ट्रेलियाविरुद्ध खेल्दै नेपाल

वामदेव एमाले प्रवेश गर्ने पक्का, सचिवालयले गर्‍यो सहकार्य गर्ने निर्णय

स्वदेशी वस्तु प्रयोगमा जुट्दै सरकार