माधव नेपालको ‘विना ढेउवाके’ अभिव्यक्तिप्रति प्रदीप ज्ञवालीको आपत्ति

राजनीति

माधव नेपालको ‘विना ढेउवाके’ अभिव्यक्तिप्रति प्रदीप ज्ञवालीको आपत्तिभन्छन्– विना ढेउवाके विदेश पठाइदिन्छौं भन्नु युवाप्रतिको विश्वासघात हो

नेपाल लाइभ बुधबार, कात्तिक १६, २०७९ १६:२२

काठमाडौं– एमाले उपमहासचिव प्रदीपकुमार ज्ञवालीले ‘विना ढेउवाके’ विदेश पठाइदिन्छौं भन्नु युवाप्रतिको विश्वासघात भएको बताएका छन्।

गुल्मीको सदरमुकाम तम्घासमा पत्रकार भेटघाट कार्यक्रम गर्दै उनले एमालेबाट फुटेर बनेको एकीकृत समाजवादीका अध्यक्ष माधवकुमार नेपालको चुनावी आश्वासनप्रति आपत्ति जनाएका हुन्।

रौतहट क्षेत्र नम्बर १ का उम्मेदवारसमेत रहेका नेता नेपालले आफूलाई जिताए विनापैसा (विना ढेउवाके) विदेश पठाउछौ भनेर मतदाता माझ गरेको भाषणलाई कटाक्ष गर्दै ज्ञवालीले भने, ‘युवाहरूलाई विदेश पठाउने होइन, आफ्नै ठाउँमा रोजगारी दिने हाम्रो प्रतिबद्धता रहेको छ।’

गाउँ–गाउँमा विकास पुगेको तर युवा जति विदेश पलायन भएको भन्दै उनले अब युवा पलायनलाई रोक्न स्वदेशमै केही गर्नेगरी काम गरिने रणनीति बनाएको जानकारी दिए।

सो अवसरमा गुल्मी क्षेत्र नम्बर–१ का एमालेको तर्फबाट उम्मेदवार रहेका ज्ञवालीले मतदातासामु आफ्ना प्रतिबद्धतासमेत सार्वजनिक गरे। जसमा उनले पाँच वर्ष सांसद हुँदा आफ्नो क्षेत्रमा गरेका काम र अब गर्ने काम प्रस्तुत गरेका थिए।

नेता ज्ञवालीले आफू निर्वाचित भएपछि कालीगण्डकी करिडोर, रेसुङ्गा विमानस्थल, गर्जुरा पार्क, उनायचौरमा विद्यृत सब स्टेशन, ५० शैयाको गुल्मी अस्पताल निर्माण, अक्सिजन प्लान्ट निर्माण, पालिका स्तरमा १५ शैयाको अस्पताल, सडक पूर्वाधार र खानेपानीलगायत करोडौंका थुर्पे योजना सञ्चालन गरिएको दाबी गरे।

उनले जिल्लाको विपद् र कुनैपनि महामारीमा आफूले जनताको निम्ति उल्लेख्य काम गरेको सम्झिए।

‘आगामी वर्षका लागि यातायात, विद्युत, खानेपानी, स्वास्थ्य, कृषि, उद्योग तथा खानी, युवा खेलकुद तथा रोजगारी, सामाजिक न्याय, सुरक्षा, संस्कृति तथा पर्यटनक्षेत्रलाई बिशेष प्राथमिकतामा राखेको छु,’ उनले भने ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वैदेशिक रोजगारीको प्रलोभन देखाएर ठगेको अभियोगमा तीन जना पक्राउ

हलगोरु पाल्ने किसानलाई सम्मान

अमेरिकामा आप्रवासन नियन्त्रण गर्न ट्रम्पका विभिन्न कदम, शरण माग गर्ने एप खारेज