आचरण विपरीत काम गरेको भन्दै सशस्त्र प्रहरीका २ जना सई निलम्बित

सुरक्षा/अपराध

नेपाल लाइभ मंगलबार, कात्तिक १५, २०७९ ०८:५०

सशस्त्र प्रहरी बल मुख्यालय (फाइल तस्बिर)

काठमाडौं– आचारण विपरीत काम गरेको भन्दै सशस्त्र प्रहरी बलले आफ्ना दुई जना कर्मचारीमाथि विभागीय कारबाही अगाडि बढाएको छ। सशस्त्र प्रहरी बलले आफ्ना २ जना नायव निरीक्षक (सई)लाई निलम्बत गरी विभागीय कारबाहीको प्रक्रिया अगाडि बढाएको हो।

सशस्त्र प्रहरी बल नेपाल नम्बर २८ गण कपिलवस्तुमा कार्यरत सशस्त्र प्रहरी नायव निरीक्षक (सई) गोविन्द सुवेदी र सशस्त्र प्रहरी बल नेपाल बीओपी छिन्नमस्ता सप्तरीमा कार्यरत सशस्त्र प्रहरी नायव निरीक्षक (सई) कृष्ण बहादुर मगरलाई निलम्बन गरिएको हो।

सई सुवेदीले यही कार्तिक ४ गते निर्वाचन सुरक्षा वेस स्थापनाको लागि सशस्त्र प्रहरी कर्मचारीहरु पुर्‍याइ कार्यालय फर्कने क्रममा दिइएको जिम्मेवारी सही ढंगले निर्वाह नगरेपछि सवारी दुर्घटना हुन पुगेको सशस्त्र प्रहरीले जानकारी दिएको छ।

त्यस्तै, गत असोज २० गते भारतीय भूमिमा मृत्त अवस्थामा फेला परेका सशस्त्र प्रहरी सहायक निरीक्षक सत्य नारायण यादवको घटनामा प्रारम्भिक छानवनि गर्दा विभागीय नीति तथा आदेश विपरीत कार्य गरेको देखिएकाले सशस्त्र प्रहरी नायव निरीक्षक मगरलाई पनि निलम्बन गरिएको जनाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यस्तो छ आज देशभरको मौसम

आजका लागि यस्तो छ विदेशी मुद्राको विनिमयदर

यू–१९ महिला विश्वकप: समूहचरणको अन्तिम खेल अस्ट्रेलियाविरुद्ध खेल्दै नेपाल