पूर्वाधार विकास र कानुन कार्यान्वयनका लागि कांग्रेसले जित्नुपर्छ : नेता सिंह

राजनीति

नेपाल लाइभ आइतबार, कात्तिक १३, २०७९ १०:३१

काठमाडौं– नेपाली कांग्रेसका नेता प्रकाशमान सिंहले कांग्रेसको ध्यान कानुन निर्माणमा मात्र नभइ पूर्वाधार विकासमा पनि भएको दाबी गरेका छन्।

चुनाव प्रचार अभियानका क्रममा आइतबार बिहान मतदातासँग भेट गर्दै नेता सिंहले देशमा पूर्वाधारको गतिलाई तीव्र बनाउनका लागि कांग्रेसले जित्न आवश्यक भएको बताए।

आफूभन्दा अघिका जनप्रतिनिधिको तुलनामा भौतिक पूर्वाधार विकासको क्षेत्रमा आफूले धेरै काम गरेको उनले दाबी गरे। काठमाडौं–१० बाट प्रतिनिधि सभाका उम्मेदवार रहेका सिंहले उक्त क्षेत्रबाट जितेर गएका जनप्रतिनिधि प्रधानमन्त्रीसमेत भइसकेपछि आफू बराबर कसैले विकास गर्न नसकेको बताए।

२०६४ यस क्षेत्रबाट जनताले आफूलाई जिताएर पठाएपछि मात्र विकासको ढोका खुलेको उनको भनाइ छ। विकास निर्माणका कामलाई प्रभावकारी रुपमा अघि बढाउन कानुनहरु निर्माण भइरहेको बताउँदै उनले काठमाडौं–१० को पूर्वाधार विकासका लागि कांग्रेसलाई जिताएर पठाउन अनुरोध गरे।

जनतालाई समस्या परेका बेला आफूले सकेको सहयोग गरेको भन्दै उनले यसपटक पनि जनताले आफूलाई जिताएर पठाउनेमा आशावादी रहेको बताए। चुनावका बेला सबै दल जनताको दैलोमा आउने भए पनि सही पात्र छानेर मतदान गर्न अनुरोध गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसम बदली : बादलले ढाके पनि वर्षा कम, बुधबारदेखि सुधार हुने

पूर्वसांसद मिना गुरुङ पक्राउ

सहकारी ठगी प्रकरणमा प्रतिवादीहरूको बयान जारी