एमसीसीमाथि क्यान–११ को जित

क्रिकेट

नेपाल लाइभ शनिबार, कात्तिक १२, २०७९ १८:५९

पोखरा– ४० ओभरको एकदिवसीय खेलमा क्यान–११ महिला टोलीले एमसीसी वुमन्सलाई पराजित गरेको छ। पोखरा क्रिकेट रंगशालामा शनिबार क्यान–११ ले एमसीसी २ विकेटले पराजित गरेको हो।

एमसीसीले दिएको १ सय १४ रनको लक्ष्य पछ्याएको क्यान–११ ले ३४ ओभर ४ बलमा ८ विकेट गुमाएर पूरा गर्‍यो।

क्यान–११ का लागि सर्वाधिक नेरी थापाले अविजित ३३ रन बनाइन्। अश्मिना कर्माचार्य अविजित १८ रन रहिन्। कविता कुँवरले १६ रन र रुबिना क्षेत्रीले १३ रन जोडिन्।

एमसीसीका रिया राभेल र रचेल पोटरले २–२ विकेट लिए।

यसअघि पहिले ब्याटिङ गरेको एमसीसीले निर्धारित ४० ओभरमा ९ विकेट गुमाएर १ सय १३ रन बनाएको थियो। एमसीसीका जेनीले सर्वाधिक २१ रन र क्लेरी टेलरले २० रन बनाइन्।

यस्तै, अमन्डाले १६ र एलिसाले १३ रन बनाइन्। क्यान–११ का सीता राना मगर र रुबिना क्षेत्रीले ३–३ विकेट लिइन्। नेरी खेलको प्लेयर अफ दी म्याच घोषित भइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी