शीर्ष नेताबारे ‘नो नट अगेन’ लेख्नेलाई पाँच लाखसम्म जरिवाना गर्ने आयोगको चेतावनी

राजनीति

नेपाल लाइभ बुधबार, कात्तिक ९, २०७९ ०७:०४

काठमाडौं– निर्वाचन आयोगले मंसिर ४ गते हुने प्रतिनिधि सभा र प्रदेश सभा निर्वाचनमा उम्मेदवार बनेका राजनीतिक दलका शीर्ष नेताबारे सामाजिक सञ्जालमा टिकाटिप्पणी गर्न रोक लगाएको छ।

मंगलबार विज्ञप्ति जारी गर्दै आयोगले शीर्ष नेताको टाउको जोडेर ‘नो नट अगेन’ लेखेर पोस्ट गरे जरिवाना गरिने चेतावनी दिएको छ।

दलहरुको उम्मेदवारी दर्ता भइसकेको अवस्थामा ‘नो नट अगेन’ फेसबूक पेज/ग्रुपहरुबाट उम्मेदवार बनेका दलका नेताबारे विभिन्न लाञ्छनापूर्ण अभिव्यक्ति तथा भ्रामक र द्वेषपूर्ण/श्रव्यदृश्य सामग्री प्रकाशन भइरहेको प्रति आयोगले ध्यानाकर्षण भएको जनाएको छ।

यस्ता कार्य निर्वाचन आचारसंहिता विपरीत भएको भन्दै आयोगले यस्तो कसूर गरेको पाइएमा एक लाख रुपैयाँसम्म जरिवाना वा पाँच वर्षसम्म कैद तथा दुवै सजाय हुने चेतावनी दिएको छ। साथै यस्ता फेसबूक पेज तथा ग्रुपहरु तत्काल नहटाइए कानुनअनुसार कारबाही गर्ने आयोगले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मुनाफा आर्जनलाई निरन्तरता दिँदै राष्ट्रिय वाणिज्य बैंक

यी हुन् मन्त्रिपरिषदका १५ निर्णय

५२ अंकले बढ्यो नेप्से , ९ अर्ब माथिको कारोबार