काठमाडौं – सहरी विकासमन्त्री मेटमणि चौधरीले चुनाव जित्नका लागि मात्र गठबन्धन नबनेको प्रष्ट पारेका छन्।
सत्ता गठबन्धनको लमही–३ मा संयुक्त कार्यालयको हालै उद्घाटन गर्दै उनले सो धारणा राखेका हुन्।
नेपालको इतिहासमा वाम–लोकतान्त्रिक दल एकै ठाउँमा उभिने बिरलै आउने अवसर प्राप्त भएको मन्त्री चौधरस्ले दाबीसमेत गरे।
‘राजा महेन्द्रले नेपालकै पहिलो जननिर्वाचित प्रधानमन्त्री बीपी कोइरालाको सरकार ‘कू’ गरेपछि दलहरू एक ठाँउमा आउने क्रम सुरु भएको हो।
बहुदलीय व्यवस्था ल्याउने जनचाहनाका कारण ०४६ सालमा पनि हामी (कांग्रेस–कम्युनिसट) एक भयौँ। त्यसपछि ०६२÷६३ सालमा फेरि हामीहरू एक ठाँउमा आइपुग्यौँ,’ उनले भने, ‘केपी ओलीको निरंकुशता र स्वच्छाचारिता उत्कर्षमा पुगेपछि, नयाँ संविधानमाथि उनले धावा बोलेपछि फेरि एकपटक हामीहरू एक ढिक्का भएका छौँ । त्यसकारण सबैले बुझ्न जरुरी छ कि, चुनाव जित्नका लागि मात्र गठबन्धन बनेको होइन।’
एमालेले गठबन्धनका विरुद्ध विष बमन गरिरहेको बताउँदै मन्त्री चौधरीले जनता अब संविधान जोगाउन, मुलुकलाई स्थिरतातर्फ लैजान गठबन्धनका पक्षमा उभिन थालेपछि एमालेहरू आत्तिन थालेको मन्त्री चौधरीको भनाइ थियो।
उक्त कार्यक्रममा प्रदेश सभाका उम्मेदवार अनुराग खड्का र समानुपातिक उम्मेदवार लक्ष्मी चौधरीले समेत गठबन्धनका पक्षमा धारणा राखेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
