काभ्रे- प्रथम काभ्रे जिल्लाव्यापी अन्तरपालिकास्तरीय भलिबल प्रतियोगिताको उपाधि खानीखोला गाउँपालिकाले चुमेको छ।
पनौती नगरपालिका- २, लप्सेटारस्थित धारा चौर खेल मैदानमा शनिबार सम्पन्न फाइनल खेलमा महाभारत गाउँपालिकालाई २६-२४, २५-११ र २५-१५ को सोझो सेटमा पराजित गर्दै खानीखोलाले उपाधि आफ्नो पोल्टामा पारेको हो। खेल 'बेस्ट अफ फाइभ' प्रणालीमा खेलाइएको थियो।
विजेता टोली खानीखोलाले ट्रफीसँगै ५५ हजार ५ सय ५५ रुपैयाँ राशिको पुरस्कार जितेको छ भने उपविजेता महाभारतले ३० हजार रुपैयाँ प्राप्त गरेको छ।
यसैगरी तृतीय स्थान हासिल गर्ने बेथानचोक र पनौती नगरपालिकाले १०/१० हजार रुपैयाँ प्राप्त गरेका छन्।
खानीखोला टिमका मनराज आले मगर प्रतियोगिताका उत्कृष्ट खेलाडी घोषित भएका छन्।
काभ्रे जिल्लाका ८ वटा टिमको सहभागिता रहेको प्रतियोगिताका खेलहरु अन्तर्राष्ट्रिय रेफ्री गौतमप्रसाद लासिवा, राष्ट्रिय रेफ्रीद्वय विजय बादे र हरिकृष्ण श्रेष्ठले खेलाएका थिए।
पनौती नगरपालिकाका प्रमुख रामशरण भण्डारीले विजेता टोलीलाई ट्रफी तथा नगद पुरस्कार प्रदान गरे। समापन समारोहमा नगर प्रमुख भण्डारीले विजेता टिमलाई बधाई दिनुका साथै प्रतियोगिता भव्य रुपमा सम्पन्न गरेकोमा आयोजकलाई धन्यवाद ज्ञापन गरेका थिए।
सेमिफाइनलमा पनौती नगरपालिकालाई जितेर आएको खानीखोला र बेथानचोक गाउँपालिकालाई पराजित गरेको महाभारतबीचको फाइनल खेल हेर्न दर्शकको भीड लागेको थियो।
कुशादेवी क्षेत्रमै पहिलो पटक पालिकास्तरीय भलिबल प्रतियोगिता आयोजना भएकाले पनि दर्शकको निकै आकर्षण देखिन्थ्यो।
पनौती नगरपालिका वडा नम्बर २ को आयोजना तथा कुशादेवी युवा क्लब र लप्सेटार युवा समूहको समन्वयमा सम्पन्न प्रतियोगता कात्तिक २ गतेदेखि सुरु भई आज समापन भएको हो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![जब आशिष गायक बन्न काठमाडौं आइपुगे [भिडियाे]](https://nepallive.net/uploads/posts/500X300/ashish mahar video thumbss1696247935.JPG)
![हामी योजनाबद्ध विकासको लयमा अघि बढेका छौँ, रिजल्ट देखिन थालेको छ: कृष्णहरि मर्हजन [भिडियाे]](https://nepallive.net/uploads/posts/500X300/krishna maharjan thumbss 1695817270.jpg)
![एकै खेलमा नेपालले बनायो कीर्तिमान नै कीर्तिमान [भिडियाे]](https://nepallive.net/uploads/posts/500X300/nepal ko kritiman nai kritiman thumbss 1695809570.jpg)
![भाषण गरिरहेका नेताबारे देउवाले विश्वप्रकाशसँग सोधे- को मान्छे हुन् यिनी? [भिडियाे]](https://nepallive.net/uploads/posts/500X300/382241383_1016364039682320_170889257131060420_n1695560664.jpg)
![प्रश्न माओवादी केन्द्रलाई, जवाफ कांग्रेसको [भिडियाे]](https://nepallive.net/uploads/posts/500X300/nepallive brifing thumbs1695481420.jpg)
