ओलीप्रति प्रचण्डको कटाक्ष- ‘गोरुगाडावाला नेता’ फेरिए होलान् भनेको त संविधान उल्ट्याउन लागिरहेका रहेछन्

राजनीति

नेपाल लाइभ शनिबार, कात्तिक ५, २०७९ १४:१४

काठमाडौं- कुनै बेला ‘नेपालमा गणतन्त्र आउँछ भन्नु र गोरुगाडा चढेर अमेरिका जानु उस्तै हो’ भन्ने आशयको अभिव्यक्ति दिएका केपी शर्मा ओलीप्रति नेकपा माओवादी केन्द्रका अध्यक्ष पुष्पकमल दाहाल प्रचण्डले पुनः कटाक्ष गरेका छन्। सत्ता गठबन्धनले शनिबार विराटनगरमा आयोजना गरेको भेलामा सम्बोधन गर्दै प्रचण्डले ओलीको प्रवृत्ति नफेरिएको बताए।

‘विस्तृत शान्ति सम्झौता भएर संविधान सभाबाट संघीय लोकतान्त्रिक गणतन्त्रको संविधानमा हस्ताक्षर गरिसकेपछि ती ‘गोरुगाडावाला’ नेताहरु पनि फेरिए होलान्, किनभने अब त संघीय लोकतान्त्रिक गणतन्त्र मान्छु भनेर हस्ताक्षर गरेपछि उनीहरु पनि यो प्रक्रियालाई सुदृण गर्न लाग्छन् होला भन्ने मानिसहरुलाई परेको थियो, हामीलाई पनि परेको थियो। तर भइदियो उल्टो’, प्रचण्डले भने।

ओलीको नाम नलिई प्रचण्डले थपे- ‘ती गोरुगाडावाला नेता त यो संविधान के गरी उल्ट्याउने होला, यो गणतन्त्रलाई के गरी कमजोर पार्ने होला, यो संघीयतालाई के गरी खारेज गर्ने होला भन्नेतिर नै लागिरहेका रहेछन्। र पटकपटक असंवैधानिक र अलोकतान्त्रिक तरिकाले सदनको विघटन त्यसैको परिणाम थियो।’

ओलीको सो कमद गम्भीर रहेको प्रचण्डको भनाइ छ। उनले ओलीको सो कमदलाई आफूहरुले परास्त गरेको बताए। तै पनि देशलाई प्रतिगमनतिर लैजाने प्रयत्न भइरहेको उनले बताए। प्रचण्डले एमाले नेतृत्वको गठबन्धनलाई ‘गोरुगाडावाला’ गठबन्धन भएको बताए।

‘त्यो संविधान सभा र गणतन्त्र सम्भव छैन भन्नेहरुको गठबन्धन हो। इतिहासलाई पछाडि धकेल्न चाहने, प्रगतिलाई रोक्न चाहने, यो देशका दलित, महिला, आदिवासी, जनजाति, मधेसी, मुस्लिम, पिछडिएका क्षेत्रका जनता सबैले पाएको पहिचान र अधिकारलाई उल्ट्याउन चाहने र देशमा फेरि एकाधिकारवाद लाद्न चाहने प्रवृत्ति र विचारको गठबन्धन हो’, उनले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुन चाँदीको मूल्यमा सामान्य वृद्धि

तत्काल संसद् अधिवेशन आह्वानको माग

प्रधानमन्त्री ओली भन्छन् : अर्थतन्त्रलाई सबल बनाउन सरकारले ध्यान दिएको छ