गुल्मीमा श्रीमानकाे कुटपिटबाट श्रीमतीको मृत्यु

सुरक्षा/अपराध

नेपाल लाइभ शुक्रबार, कात्तिक ४, २०७९ २१:२७

गुल्मी – गुल्मीमा श्रीमानकाे कुटपिटबाट श्रीमतीको मृत्यु भएको छ ।

जिल्लाको मुसिकोट नगरपालिका वडानम्बर–७ निवासी ४२ वर्षका सूर्यबहादुर कुमालको कुटपिटबाट ४० वर्षकी तालकुमारी कुमालको मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक (डिएसपी) माधवराज खरेलले बताए ।

कात्तिक १ गते श्रीमानकाे कुटपिटबाट घाइते तालकुमारीको स्थानीय लुम्बिनी वामी हस्पिटल वामीटक्सार, गुल्मीमा उपचार भइरहेको थियो । उनको शुक्रबार मृत्यु भएको प्रहरीले जनाएको छ ।

श्रीमान् र श्रीमतीले मदिरा सेवन गरेर घरायसी झगडा गर्ने गरेको र सोही क्रममा कुटाइबाट मृत्यु भएको प्रहरीले जनाएको छ ।

मृत्यु भएको सूचना प्राप्त हुनासाथ प्रहरी अधिकृत समेतको टोली खटिगइ घटनामा संलग्न सूर्यबहादुरलाई नियन्त्रणमा लिई थप अनुसन्धान भइरहेको डिएसपी खरेलले बताए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिसो बढेपछि नेपालगञ्जका शैक्षिक संस्था बन्द

गैँडाको आक्रमणबाट मृत्यु

चिसोले महोत्तरीमा श्वासप्रश्वासका बिरामी बढे