८४ घण्टा भाषण गरेर गिनिज बुकमा नाम लेखाउने केसीको प्रयास

ब्लग

नेपाल लाइभ शनिबार, असोज २१, २०७४ २१:४९

काठमाडौँ - भाषण गरेर गिनिज बुकमा नाम लेखाउने उद्देश्यका साथ नुवाकोट जिल्ला चिसापानीका अनन्तराम केसीले लगातार भाषण सुरु गरेका छन्।

टेक्सास इन्टरनेशनल कलेज, मित्रपार्कमा उनले यही असोज १९ गते विहान ६ बजेदेखि भाषण सुरु गर्नुभएको उनकी श्रीमती पारु केसीले जानकारी दिइन्।

लगातार ८४ घण्टा भाषण गरेर विश्वकीर्तिमान राख्ने उनको सोच छ।

यसअघि भारत गुजरातस्थित सुरतका अश्विन सुडानीले लगातार भाषणको ७५ घण्टा ३२ मिनटको रेकर्ड राखेका छन्। उनले विभिन्न ७५ शीर्षकमा भाषण दिएको बताइएको छ।

आज दिउँसो ३ बजेसम्म केसीले ५७ घण्टा अनवरत भाषण गरिसकेको विश्वदर्शन अभियानका अध्यक्ष नारायण प्रसाद भटृराईले जानकारी दिए।

सो कीर्तिमानका लागि लायन्स क्लव अफ काठमाडौँ विहानीको आयोजना तथा लियो क्लवलगायतका संस्थाको सहयोगमा सो कलेजमा भाषण कार्यक्रमको आयोजना गरिएको छ।

भाषणमा केसीले विभिन्न विषयमा प्रवचन दिनेछन् भने एक घण्टामा पाँच मिनट विश्राम पाउनुहुन्छ । उनले दिनरात उभिएर भाषण गर्छन् तर समय समयमा कुर्सीमा बसेर पनि भाषण गर्न पाउने प्रावधान छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सप्तकोशीको कटान रोक्न अस्थायी र दीर्घकालिन योजना तयार गछौँ : गृहमन्त्री लेखक

कांग्रेसले संविधान संशोधनका निम्ति सबै दलसँग सहकार्य गर्ने

सेयर बजार झिनो अंकले बढ्यो , कारोबार रकम भने घट्यो