राजु गुरुङको उम्मेदवारी कायम, सर्वोच्चले जारी गर्‍यो अल्पकालीन अन्तरिम आदेश

राजनीति

नेपाल लाइभ आइतबार, असोज ३०, २०७९ १७:४०

काठमाडौं– सर्वोच्च अदालतले उम्मेदवारी खारेजीविरुद्ध एकीकृत समाजवादी पार्टीका नेता राजु गुरुङले दायर गरेको रिटमा अल्पकालीन अन्तरिम आदेश जारी गरेको छ।

न्यायाधीश विश्वभरप्रसाद श्रेष्ठको इजलासले गुरुङको मुद्दामा पहिलो सुनुवाइ गर्दै अन्तरिम आदेश जारी गरेको हो। सर्वोच्चको यो आदेशपछि उनको उम्मेदवारी खारेजी गैरकानुनी भएको छ। यद्यपि, अर्को सुनुवाइबाट अन्तरिम आदेश खारेज नगरेमा उनले आगामी मंसिरमा हुने निर्वाचनमा भाग लिन पाउने छन्।

रुपन्देही–२ मा गठबन्धनका तर्फवाट उम्मेदवार भएका गुरुङको उम्मेदवारी खारेजी भएको थियो। यसअघि उक्त मुद्दा शुक्रबार न्यायाधीश हरि फुयाँलको एकल इजलासमा परेको थियो। तर, निवेदकले नै स्थगित गरेका थिए।

निर्वाचन अधिकृतको कार्यालयले आफ्नो उम्मेदवारी खारेज गरेपछि गुरुङले सर्वोच्च अदालतमा बिहीबार रिट दायर गरेका थिए। उनीविरुद्ध बैंकिङ कसूरमा दोषी ठहर भएको भन्दै उजुरी दर्ता भएपछि निर्वाचन अधिकृतको कार्यालयले उम्मेदवारी खारेज गरेको थियो। उक्त क्षेत्रमा नेकपा एमालेका उपाध्यक्ष विष्णु पौडेल उम्मेदवार छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात