प्रचण्ड भन्छन्– हँसिया हथौडा र रुखलाई पहिल्यै एक बनाइसकेका हौं

राजनीति

नेपाल लाइभ आइतबार, असोज ३०, २०७९ १५:३८

काठमाडौं– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपाली कांग्रेसको रुख चिह्न र माओवादी पार्टीको हँसिया हथौडालाई धेरै पहिलादेखि एक बनाइसकेको दाबी गरेका छन्।

आइतबार काठमाडौं–२ का उम्मेदवारहरुको परिचायत्मक कार्यक्रमलाई सम्बोधन गर्दै दाहालले निर्वाचन चिह्नको विषयलाई लिएर आग्रह पूर्वाग्रह नराख्न दुवै पार्टीका नेता/कार्यकर्तालाई अपिल गरे।

‘हँसिया हथौडाले रुखमा कसरी भोट हाल्ने? रुखले हँसिया हथौडामा कसरी भोट हाल्ने? या रुखले कसरी कलममा भोट हाल्ने? या कलमले रुखमा कसरी भोट हाल्ने भन्ने कुरा यदाकदा सुनिन्छन्’, प्रचण्डले भने, ‘हामीले धेरै पहिलेदेखि हँसिया हथौडा र रुखलाई एक बनाइसकेका छौं।’

प्रचण्डले २०४६ सालको आन्दोलनलाई संयुक्त गरेर कम्युनिस्ट पार्टी र कांग्रेसको झण्डालाई सँगसँगै राखेर आन्दोलनको आँधीहुरी चलाएको स्मरण गरे।

उनले शान्ति सम्झौतामा सात राजनीतिक दलका तर्फबाट तत्कालीन प्रधानमन्त्री गिरिजा प्रसाद कोइरालाले र आफूले हस्ताक्षर गरेको बताउँदै आफूले रुखमा छाप लगाएजस्तै भएको उल्लेख गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात