प्रतिगमनको खतरा अझै छ, गठबन्धनमा सबै मिल्नुपर्ने आवश्यकता छ : प्रधानमन्त्री देउवा

राजनीति

नेपाल लाइभ आइतबार, असोज ३०, २०७९ १५:२८

काठमाडौं- प्रधानमन्त्री तथा नेपाली कांग्रेसका सभापति शेरबहादुर देउवाले प्रतिगमनको खतरा अझै रहेको बताएका छन्। आइतबार आयोजित सत्ता गठबन्धनको प्रशिक्षण कार्यक्रममा सम्बोधन गर्दै उनले सबै मिल्नुपर्ने आवश्यकता रहेको पनि बताए।

‘अहिले जुन गठबन्धन बनेको छ। नेपालमा लडेर ल्याएको लोकतन्त्र छ। त्यसलाई स्थायित्व दिनुपर्ने आवश्यकता छ। प्रतिगमनको खतरा अझै पनि छ। त्यसैले सबै पार्टी एक हुनु जरुरी छ। त्यसैले गठबन्धनमा सबै मिल्नु आवश्यक छ’, उनले भने।

देउवाले अहिलेको संविधान अत्यन्त समावेशी रहेको र सबै नेपालीको अटाउने ठाउँ रहेको बताए। ‘साथसाथै कुनै पनि पार्टीको बहुमत आउन गाह्रो छ। त्यसैले गठबन्धनको आवश्यकता छ’, उनले भने।

प्रधानमन्त्री देउवाले गठबन्धन संस्कृतिको विकास भएको बताए। भने, ‘मिलेर चुनाव लड्ने र मिलेर विरोधी सामना गर्ने तथा मिलेर लोकतन्त्रको सुदृढीकरण गर्ने र मिलेर देशको गरिबी हटाउने मौका आएको छ। यो हाम्रो लागि ठूलो मौका र चुनौती हो।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात