निर्वाचन अनुगमन गर्ने अधिकृत कोलेनिका प्रमुख

राजनीति

नेपाल लाइभ बिहीबार, असोज २७, २०७९ १३:१९

काठमाडौं- निर्वाचन आयोगले कोष तथा लेखा नियन्त्रक कार्यालयका प्रमुखलाई अनुगमन अधिकृतको रूपमा तोकेको छ।

आयोगले बिहीबार एक विज्ञप्ति जारी गर्दै निर्वाचन अनुगमनको काम गर्नेगरि कोलेनिका प्रमुखलाई अनुगमन अधिकृत तोकिएको जनाएको छ।

यस्तै, अनुगमन अधिकृतलाई जिल्लाभित्रका कर्मचारी, शिक्षक र आचारसंहिता पालना गर्नुपर्ने दायित्व भएकाको आचारसंहिता पालना भए/नभएको अनुगमन गर्ने अधिकार दिएको छ।

‘अनुगमन अधिकृतलाई आफ्नो जिल्लाभित्रका कर्मचारी, शिक्षक वा निर्वाचन आचारसंहिता पालना गर्नुपर्ने दायित्व भएका अन्य कुनै व्यक्तिले निर्वाचन आचारसंहिता विपरीत कार्य गरेमा सम्बन्धित जिल्लाको कोष तथा लेखा नियन्त्रकको कार्यालयका प्रमुख तथा आचारसंहिता अनुगमन अधिकृतले निर्वाचन आयोग ऐन, २०७३ र निर्वाचन (कसूर तथा सजाय) ऐन, २०७३ बमोजिम कारबाही गर्ने र सोको जानकारी सम्बन्धित जिल्लाको आचारसंहिता अनुगमन समिति र आयोगमा पठाउने गरी अधिकार दिइएको छ’, आयोगले आफ्नो विज्ञप्तिमा बताएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

लामिछानेको थुनछेक बहस आज हुने

भारतमा रेल दुर्घटना : मृतकको संख्या १३ पुग्यो, ४ नेपालीको सनाखत

चिसोका कारण इटहरीमा विद्यालय बन्द