रुपन्देही–५ मा एमालेका बासुदेव घिमिरेलाई आयोगको आधिकारिकता, खिमलाल भट्टराईको उम्मेदवारी खारेज

राजनीति

नेपाल लाइभ सोमबार, असोज २४, २०७९ १५:४४

बुटवल– निर्वाचन आयोगले रुपन्देही–५ मा नेकपा एमालेको उम्मेदवार विवाद टुङ्ग्याएको छ। आयोगले नेकपा एमालेबाट सबैभन्दा पहिला उम्मेदवारी दर्ता गरेका बासुदेव घिमिरेलाई आधिकारिक दिएको हो।

आइतबार रूपन्देही–५ मा एमाले दुई जनाको उम्मेदवारी दर्ता भएको थियो। प्रतिनिधि सभाका लागि एमालेको तर्फबाट बासुदेव घिमिरे र खिमलाल भट्टराईले उम्मेदवारी दर्ता गराएका थिए। घिमिरेले दिउँसो साढे ३ बजे र भट्टराईले साँझ ५ बजे उम्मेदवारी दर्ता गराएका थिए।

निर्वाचन अधिकृत चिन्तामणि शर्माले खिमलाल भट्टराईको उम्मेदवारी निर्वाचन निर्देशिका २०७९ विपरीत भएको बताए। शर्माका अनुसार निर्वाचन निर्देशिका २०७९ मा प्रष्ट रूपमा एउटै पार्टीको दुई वटा उम्मेदवारी परे पहिला जसले दर्ता गरायो उसैले आधिकारिकता पाउने उल्लेख रहेको उनले बताए।

प्रतिनिधिसभा सदस्य निर्वाचन निर्देशिका २०७९ को दफा १९ को (९) मा ‘दलले उम्मेदवारलाई औपचारिक पत्र प्रदान गर्दा एउटै पदमा एकभन्दा बढी व्यक्तिका लागि औपचारिक पत्र प्रदान गरेको आधारमा एकभन्दा बढी उम्मेदवारको मनोयनपत्र पेस भएमा पहिले मनोनयनपत्र दर्ता गर्ने व्यक्तिको मनोनयनपत्र कायम हुने’ उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पोखरा र भैरहवा विमानस्थलको सेवा शुल्क खारेजको निर्णय ६ महिनापछि कार्यान्वयनमा, ३ हजार भाडा घट्ने

झण्डै साढे ८७ अर्बको पेट्रोलियम पदार्थ आयात हुँदा ३७ अर्ब राजस्व संकलन

अमेरिकामा गैरकानुनी रूपमा बस्दै आएका आफ्ना नागरिकलाई फिर्ता गर्न भारत तयार