प्रभु साहद्वारा एमालेविरुद्ध विद्रोह, मधेशमा जसपाका सबै उम्मेदवारीविरुद्ध स्वतन्त्र उम्मेदवार खडा

राजनीति

नेपाल लाइभ आइतबार, असोज २३, २०७९ २१:५५

काठमाडौं– मधेश प्रदेशमा एमाले नेतृत्वको गठबन्धनविरुद्ध बागी उम्मेदवारी परेको छ। अधिकांश जिल्लामा एमाले र जनता समाजवादी पार्टीविरुद्ध बागी उम्मेदवारी परेको छ।

रौतहट निर्वाचन क्षेत्र नम्बर ३ मा एमाले नेता प्रभु साहले स्वतन्त्र उम्मेदवारी दर्ता गरेका छन्। उनले एमालेबाट पाएको टिकटसमेत बहिस्कार गर्दै स्वतन्त्र उम्मेदवारी दिएका हुन्।

साहले नेपाललाईभसँग कुरा गर्दै एमालेले जसपासँग गरेको तालमेलविरुद्धमा आफूले स्वतन्त्र उम्मेदवारी दिएको बताए। ‘मैलै आफनो पार्टी एमाले नेतृत्वलाई यसबारे पटक–पटक सचेत गराएँ पनि। तर, त्यसको सुनवाइ नै नभएपछि म यो कदम चाल्न बाध्य भएँ।’

साह आफूले स्वतन्त्र उम्मेदवारी दिनुका साथै मधेश प्रदेशमा एमालेसँग तालमेल गरेर जसपाले दिएको सबै उम्मेदवारीविरुद्ध स्वतन्त्र उम्मेदवार खडा गरेका छन्। एमालेसँगको तालमेलमा जसपाले मधेश प्रदेशमा १६ प्रतिनिधि सभा र ४२ प्रदेश सभामा उम्मेदवारी दिएको छ।

साह कै निर्वाचन क्षेत्र रौतहट ३ मा एउटा प्रदेश सभा जसपाले पाएको छ। साहले त्यसको सुरुदेखि नै विरोध गर्दै आएको र उक्त तालमेल नमान्ने चेतावनी दिँदै आएका थिए।

रौतहट क्षेत्र नम्बर ३ मा राम्रो प्रभाव रहेका साहकी पत्नी रिना साह त्यही क्षेत्रको मौलापुर नगरपालिकामा दोस्रो कार्यकालका मेयरमा निर्वाचित भएकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पोखरा र भैरहवा विमानस्थलको सेवा शुल्क खारेजको निर्णय ६ महिनापछि कार्यान्वयनमा, ३ हजार भाडा घट्ने

झण्डै साढे ८७ अर्बको पेट्रोलियम पदार्थ आयात हुँदा ३७ अर्ब राजस्व संकलन

अमेरिकामा गैरकानुनी रूपमा बस्दै आएका आफ्ना नागरिकलाई फिर्ता गर्न भारत तयार