हिसिला यमी चुनाव लडेको काठमाडौं- ७ मा मानुषी : नयाँ पुस्ताको आवाज बुलन्द गर्न आफू उम्मेदवार भएको दाबी

राजनीति

नेपाल लाइभ आइतबार, असोज २३, २०७९ १५:२२

काठमाडौं– बाम–लोकतान्त्रिक गठबन्धनको तर्फबाट नेकपा माओवादी केन्द्रको चुनाव चिह्न लिएर काठमाडौं-७ मा प्रतिनिधि सभाको उम्मेदवारी दिन पुगेकी नेपाल समाजवादी पार्टीकी नेता मानुषी यमी भट्टराईले आफ्नो उम्मेदवारी नयाँ पुस्ताको आवाज बुलन्द गर्नका लागि रहेको बताएकी छन्।

निर्वाचन आयोगले आइतबार एकदिन मंसिर ४ मा हुन गइरहेको प्रतिनिधि सभा तथा प्रदेश सभाको निर्वाचनका लागि उम्मेदवारी पत्र दर्ता गर्नका लागि कार्यक्रम छ। उक्त कार्यक्रम अनुसार यमी भट्टराई आफ्नो उम्मेदवारी दर्ता गर्न पुगेकी हुन्।

उम्मेदवारी दर्ता पछि पत्रकाररूसँग प्रतिक्रिया दिँदै उनले भनिन्,‘मेरो उम्मेदवारी परिवर्तनका लागि, नयाँ पुस्ताको आवज बुलन्द गर्नका लागि, युवाको समस्या समाधान गर्दै, सार्वजनिक संस्था बलियो बनाउन र सेवा प्रदान गर्न र निष्पक्ष र प्रभावकारी बनाउनका लागि हो।’

हिसिला यमीको क्षेत्र

काठमाडौं ७मा २०६४को पहिलो संविधान सभाको निर्वाचनमा तत्कालिन माओवादी नेतृ तथा मानुषीकी आमा हिसिला यमी भट्टराई १२ हजार २७६ मत ल्याएर विजयी भएकी थिइन्।

यता २०७०को दोस्रो संविधान सभाको निर्वाचनमा हिसिला यमीले ७ हजार १५ ल्याएर तेस्रो भएकी थिइन् भने एमालेका रामवीर मानन्धरले १३ हजार २८९ मत ल्याएर विजयी भएका थिए। यस्तै सो क्षेत्रबाट २०७४को निर्वाचनमा एमालेकै मानन्धर विजयी भएका थिए। मानन्धरले १८ हजार १०२ मत ल्याएका थिए।

०७४ को निर्वाचनमा भने हिसिलाले यो क्षेत्रबाट उम्मेदवारी दिएकी थिइनन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’