गाडी लिएर खोलामा नुहाउन गएका बाबु–छोरा बेपत्ता

सुरक्षा/अपराध

नेपाल लाइभ मंगलबार, असोज १८, २०७९ १७:१६

संखुवासभा– संखुवासभाको खाँदबारी नगरपालिकामा बाबु–छोरा बेपत्ता भएका छन्। खाँदबारी नगरपालिका-९ तुम्लिङटारस्थित सभाखोलामा नुहाउन गएका ४० वर्षीय तारानाथ काफ्ले र उनका १५ वर्षीया छोरा सनम बेपत्ता भएका हुन्।

उनीहरु सोमबार दिउँसो आफ्नो गाडी लिएर खोलामा नुहाउन गएका थिए। तर सोमबार रातिसम्म पनि बाबु–छोरा घर नफर्किएपछि परिवारका सदस्यले खोजीका लागि प्रहरीकहाँ खबर गरेका थिए।

बेपत्ता भएका बाबु छोराको खोजी भइरहेको जिल्ला प्रहरी कार्यालयका प्रहरी नायब उपरीक्षक वीरेन्द्र गोदारले बताए। बेपत्ता भएका काफ्लेका बाबु–छोराले लिएर गएको गाडी, उनीहरुका कपडा, जुत्ता, मोबाइल र साबुनलगायतका सामग्री खोला किनारमा भेटिएको गोदारले जानकारी दिए।

बेपत्ताको खोजी गर्न दुई प्रहरी निरीक्षकको नेतृत्वमा विभिन्न स्थानमा प्रहरी टोली परिचालन गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आमा समूहलाई नौमती बाजा बजाउन भ्याइनभ्याइ

६ हजार बचतकर्ताद्वारा साढे चार अर्ब बचत फिर्ता गराइदिन महानगरमा गुहार

स्मारिका र डाक्टर बिक्रान्तको ‘माया गर्ने मै हो’ भिडियो सार्वजनिक