काठमाडौंको नयाँ बसपार्कबाट गैँडाको खागसहित पक्राउ परेका व्यक्ति सार्वजनिक

सुरक्षा/अपराध

नेपाल लाइभ आइतबार, असोज ९, २०७९ २१:२०

काठमाडौं– काठमाडौंको नयाँ बसपार्क (गोंगबु) क्षेत्रबाट दुर्लभ वन्यजन्तु गैँडाको खागसहित पक्राउ परेका २ जनालाई प्रहरीले सार्वजनिक गरेको छ।

प्रहरी वृत्त महाराजगञ्जका प्रमुख तथा डीएसपी अंगुर जिसीको कमाण्डमा खटिएको टोलीले खागसहित आइतबार बिहान ११ बजे २ जनालाई पक्राउ गरेको थियो।

पक्राउ पर्नेमा दोलखाको शंकर गाउँपालिका–४ घर भएका २४ वर्षीय प्रकाश खत्री र रुकुमको उत्तरगंगा गाउँपालिका–८ घर भएकी ३९ वर्षीया प्रेम कुमारी घर्ती छन्।

टोखा नगरपालिका–९ नयाँ बसपार्क क्षेत्रको न्यू रुकुम गेस्ट हाउसमा केही व्यक्तिहरुले गैंडाको खाग लुकाएर राखेको भन्ने सूचनाको आधारमा प्रहरी बृत्त महाराजगञ्जको टोलीले छापा मारेको थियो।

छापा मार्दा गैँडाको गेस्ट हाउसमा लुकाएर राखिएको अवस्थामा खाग १ थान फेला परेको प्रहरीले जानकारी दिएको छ। पक्राउ परेका दुवै जनालाई आवश्यक अनुसन्धान र कारबाहीका लागि डिभिजन वन कार्यालय हात्तीसार पठाउने तयारी भइरहेको जिल्ला प्रहरी परिसर काठमाडौंले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मुनाफा आर्जनलाई निरन्तरता दिँदै राष्ट्रिय वाणिज्य बैंक

यी हुन् मन्त्रिपरिषदका १५ निर्णय

५२ अंकले बढ्यो नेप्से , ९ अर्ब माथिको कारोबार