अनलाइन जुवा अखडामा सीआईबीको छापा : ४ महिलासहित ७ जना पक्राउ, १ करोड १९ लाखको कारोबार

सुरक्षा/अपराध

नेपाल लाइभ सोमबार, असोज ३, २०७९ १५:२१

काठमाडौं– अनलाइन जुवा अखडामा प्रहरीको केन्द्रीय अनुसन्धान ब्यूरो (सीआईबी)ले छापा मारेको छ। भक्तपुरको सूर्यविनायक नगरपालिका–५ स्थित सूर्यप्रसाद छवलु श्रेष्ठको घर भाडामा लिएर अनलाइन जुवा सञ्चालन गरेको सूचना आएपछि सीआईबीले छापा मारेको हो।

जुवा अखडामा छापा मारेर प्रहरीले ७ जनालाई पक्राउ गरेको छ। पक्राउ पर्नेहरुमा रामेछाको दोरम्बा गाउँपालिका–७ घर भइ अनलाइन जुवाको मेनेजर भएर काम गरेका २२ वर्षीय जोयल तामाङ, ललितपुरको गोदावरी नगरपालिका–११ चापागाउँका २० वर्षीय सञ्जय श्रेष्ठ, सोही ठाउँका २५ वर्षीय कपिल श्रेष्ठ, भक्तपुरको सूर्यविनायक नगरपालिका–२ बालकोटकी २३ वर्षीया मोनिका श्रेष्ठ, सिन्धुलीको सुनकोशी नगरपालिका–५ कि २२ वर्षीया रुपाकुमारी पुलामी, सप्तरीको खडक नगरपालिका–३ कि २८ वर्षीया प्रभातकिरण लोहनी र सूर्यविनायक नगरपालिका–५ कि २६ वर्षीया बिनिता तामाङ छन्।

उनीहरुले सूर्यप्रसाद छवलु श्रेष्ठको घर भाडामा लिएर विगत ६ महिनादेखि अनलाइन जुवा खेलाउँदै आएको पाइएको सीआईबीका प्रवक्ता तथा एसपी कमल थापाले जानकारी दिए।

घरको कोठाहरुमा कम्प्युटर तथा मोबाइल राखेर अनलाइन एप्लिकेशनमार्फत् उनीहरुले जुवा खेलाउनले गरेको सीआईबीले जनाएको छ। १ करोड १९ लाख ३१ हजार ८०४ रुपैयाँ बराबरको अनलाइन कारोबार देखिएको एसपी थापाले बताए।

पक्राउ परेकाहरुलाई जिल्ला प्रशासन कार्यालय भक्तपुरबाट ६ दिनको म्याद लिएर अनुसन्धान अघि बढाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ट्रम्पले समावेशी कर्मचारीहरुलाई दिए तलबी बिदा

सुप्रिम सहकारी प्रकरण: रवि लामिछानेलाई पत्नी र वकिलको जिम्मामा छाडियो

नागरिकमा आशा जगाउने काम गरिरहेका छौँ: उपप्रधानमन्त्री सिंह