एमालेले टुंग्यायो समानुपातिक सूची, प्रतिनिधि सभामा ५७ जना महिलासहित ११० जनाको नाम तय

राजनीति

नेपाल लाइभ आइतबार, असोज २, २०७९ १८:०१

काठमाडौं- आगामी मंसिर ४ गते हुँदै गरेको प्रतिनिधि सभा र प्रदेश सभा निर्वाचनका लागि नेकपा एमालेले समानुपातिकतर्फको उम्मेदवार सूची टुंग्याएको छ।

आइतबार बसेको केन्द्रीय सचिवालय बैठकले ११० जना उम्मेदवारको नाम टुंगो लगाएको उपमहासचिव पृथ्वी सुब्बा गुरुङले जानकारी दिए। २७५ सदस्यीय प्रतिनिधि सभामा समानुपातिकतर्फबाट ११० जना निर्वाचित हुने व्यवस्था छ।

एमालेले टुंगो लगाएको सूचीमा ५७ जना महिला रहेको गुरुङले बताए। आदिवासी जनजातितर्फ ३२ जना (१६ महिला र १६ पुरुष), खस आर्यतर्फ ३४ जना (१७ महिला र १७ पुरुष), थारुतर्फ ७ जना (४ महिला र ३ पुरुष), दलिततर्फ १५ जना (८ महिला र ७ पुरुष), मधेसीतर्फ १७ जना (९ महिला र ८ पुरुष), मुस्लिमतर्फ ५ जना (३ महिला र २ पुरुष) गरेर महिला ५७ जना हुने गरेर ११० जना समानुपातिक तर्फको उम्मेदवारहरुको नाम तयार गरेको उनले बताए।

सोमबार आफूहरुले आयोगमा सूची बुझाउने उनले बताए। आयोगले आइतबार र सोमबार समानुपातिकको सूची बुझाउने कार्यसूची तय गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुक्खा हिउँदले आफूहरूलाई मार परेको बिजुली उत्पादकहरूको गुनासो

जनस्वास्थ्य सुरक्षाका लागि कुष्ठरोगी र हात्तीपाइले प्रभावितलाई स्वास्थ्य बीमा

जङ्गली रातो बाँदर 'कृषि हानिकारक वन्यजन्तु' घोषणा, के के छन् सर्तहरु?