पुजारी हत्याका अभियुक्त दुई वर्षपछि समातिए

सुरक्षा/अपराध

नेपाल लाइभ आइतबार, भदौ २६, २०७९ ११:४२

काठमाडौं– पुजारी हत्याका अभियुक्तलाई प्रहरीले पक्राउ गरेको छ। रौतहटको माधवनारायण नगरपालिका–२ खैस्रैया चोकमा रहेको हनुमान मन्दिरका पुजारी ६५ वर्षीय राम साहका हत्यारालाई प्रहरीले पक्राउ गरेको हो।

दुई वर्षअघि २०७७ भदौ ३ गते राति साढे ८ बजेतिर पुजारी साहलाई कन्चटमा गोली हानेर हत्या गरिएको थियो।

पुजारी हत्याको कर्तव्य ज्यान मुद्दा र संगठित अपराध मुद्दामा संलग्न रही फरार भएका रौतहटको देवाही गोनाही नगरपालिका–१ करुनियाका शेख विकाउ भनिने मोहमद कासिमलाई रौतहट प्रहरीले पक्राउ गरेको हो।

त्यसैगरी लागुऔषध मुद्दाका फरार प्रतिवादी पक्राउ परेका छन्। पक्राउ पर्नेहरुमा रौतहटको यमुनामाई गाउँपालिका–४ सरुअट्ठा टोल बस्ने ४० वर्षीय नरेश साह भनिने रामनरेश साह कानू हुन्। उनलाई भदौ २४ गते प्रहरीले पक्राउ गरेका हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात