पोखरा– शिक्षा, विज्ञान तथा प्रविधिमन्त्री देवेन्द्र पौडेलले माओवादी केन्द्रप्रति जनताले धेरै आशा गरेको बताएका छन्।
ज प्रेस सेन्टर नेपाल कास्की समितिको बैठकलाई सम्बोधन गर्दै मन्त्री पौडेलले माओवादीप्रति जनताको आशा धेरै रहेको पनि दोहोर्याए।
“जनयुद्धमा जनतालाई जुन सपना देखाएका थियौं, त्यसमा माओवादी टुटफुट र विभाजन हुँदा मुद्दा कमजोर हुने अवस्थाआयो, उनले भने, ‘पार्टी कमजोर भएपनि माओवादीप्रति जनताले धेरै आशा गरेका छन्।’
उनले संघीयता, धर्मनिरपेक्षता, संविधानबाट संविधान जस्ता उपलब्धि माओवादीले ल्याएको जिकिर गर्दै प्रचार नगर्दा अर्केले फाइदा उठाएको बताए।
‘अहिलेको व्यवस्थामा माओवादीहरूले गर्व गर्नुपर्छ, किनकि नेपाल अहिले जुन राजनीतिक कोर्समा अगाडि बढेको छ, त्यो माओवादीकै लाइनमा छ’ मन्त्री पौडेलले भने, ‘संविधानसभाबाट संविधान, संघीयता, गणतन्त्र माओवादीको मेहनतबाट प्राप्त उपलब्धि हुन्। यति थुप्रै उपलब्धि प्राप्त गर्दा पनि माओवादीले प्रचार गर्न जानेन् अरुले पीठो बिकाए, हामीले चामल बिकाउन सकेनौं।’ माओवादीको बाटोमा अरु सबै दल आएको उनको भनाइ छ।
माओवादीले ल्याएको एजेण्डालाई संस्थागत गर्न व्यापकरुपमा प्रचारमा लैजानु पत्रकारहरुको मुख्य दायित्व रहेको उनले बताए। ‘माओवादी कमजोर बन्दा परिवर्तनका एजेन्डाहरू उल्टिन सक्ने खतरा रहेकाले यसलाई रक्षा गर्न तपाईंहरुले हस्तक्षेपकारी भूमिका खेल्नुस्’ उनले निर्देशन दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
