अदालत परिसरबाट भागेका थुनुवा विश्वकर्मा पक्राउ

सुरक्षा/अपराध

नेपाल लाइभ शनिबार, भदौ २५, २०७९ ०६:१४

दाङ- सरकारी वकिल कार्यालयको दुई तला माथिबाट हाम फालेर भागेका थुनुवालाई दाङ प्रहरीले २४ घण्टा नबित्दै पक्राउ गरेको छ।

प्रहरीले म्याद थप्न लगेको बेला शौचालयको झ्यालबाट भागेका थुनुवा लक्ष्मण विश्वकर्मालाई प्रहरीले पुन: पक्राउ गरेको जिल्ला प्रहरी कार्यालय दाङका एसपी बीरबहादुर ओलीले जानकारी दिए।

प्रहरीले बिहीबार अपराह्न म्याद थपका लागि सरकारी वकिल कार्यालय लगेको समयमा विश्वकर्मा दुई तला माथिको शौचालयको झ्यालबाट हाम फालेर भागेका थिए।

घोराही उपमहानगरपालिका वडा नम्बर १७ का २२ वर्षीय विश्वकर्मा सुन र पैसा चोरीको अभियोगमा पक्राउ परेका हुन्।

म्याद थप नहुँदै भागेका विश्वकर्मालाई जिप्रका दाङबाट खटिएको प्रहरी टोलीले शुक्रबार राति घोराही - १७ चौघेरामा लुकिछिपी बसेको अवस्थामा पक्राउ गरेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात