साइबर अपराधमा आईटी कम्पनीका सिईओ पक्राउ

सुरक्षा/अपराध

नेपाल लाइभ शुक्रबार, भदौ २४, २०७९ १२:४६

काठमाडौं– एक आईटी कम्पनीका सिईओ पक्राउ परेका छन्। प्रहरीको केन्द्रीय साइबर ब्यूरोले सुन्दर जिनिज सोलुसन प्रालिका सिईओ प्रशन्न पोखरेललाई पक्राउ गरेको हो।

५० वर्षीय पोखरेललाई ब्यूरोको टोलीले बत्तिसपुतली काठमाडौंबाट पक्राउ गरेको हो। भदौ २१ गते पक्राउ परेका उनलाई अनुसन्धान गर्न प्रहरीले जिल्ला अदालत काठमाडौंबाट ३ दिनको म्यादसमेत लिएको छ।

सुन्दर ग्रुप अफ कम्पनीज प्रालिको वेब पोर्टल र डाटाहरु आईटी कम्पनी जिनिजमार्फत होस्टिङ हुँदै आएको थियो। सोही क्रममा जिनिजले अनधिकृत रुपमा होस्टिङ अकाउन्टमा प्रवेश गरी डाटाहरु नष्ट गरेको भन्दै सुन्दर ग्रुपले साइबर ब्यूरोमा जाहेरी दिएको थियो।

जाहेरी आएपछि प्रहरी अनुसन्धानका क्रममा जिनिजका सञ्चालक पोखरेलको भूमिका शंकास्पद देखिएपछि उनलाई पक्राउ गरिएको साइबर ब्यूरोका एसपी तथा प्रवक्ता पशुपति रायले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात