काठमाडौं– न्याय परिषद् बैठकले उच्च अदालतका रिक्त २७ न्यायाधीशका लागि ८१ जनालाई प्रारम्भिक चरणमा छनोट गरेको छ।
उनीहरुमाथि उजुरी दिनका लागि परिषद्ले मंगलबार सार्वजनिक सूचना पनि प्रकाशित गरेको छ। परिषद्ले पहिलोपटक मुख्य न्याायाधीश नियुक्ति प्रारम्भिक सूची सार्वजनिक गरेको हो।
यसअघि सिधै खल्तीबाट नियुक्ति गर्ने चलन रहेको थियो। उच्च अदालतमा पनि यसैगरि नियुक्ति हुने गरेको थियो। परिषद्को बैठकले उच्च अदालतको ६ मुख्य न्यायाधीशका लागि १५ जनाको नामावली सार्वजनिक गरेको छ। उनीहरुमाथि ७ दिनभित्र उजुरी दिन सर्वसाधरणका लागि सूचना जारी गरेको छ।
६ उच्च अदालतको मुख्य न्यायाधीशका लागि परिषद्को बैठकले उच्च अदालतमा कार्यरत रहेका न्यायाधीशहरु मध्येबाट सूची सार्वजनिक गरेको हो। एक उच्च अदालतमा मुख्य न्यायाधीश रहेका छन् भने अन्यमा रिक्त रहेको छ। नृपध्वज निरौला मुख्य न्यायाधीशका रुपमा रहेका छन्।
परिषद्को सोमबारको बैठकले उच्च अदालत तुल्सीपुरकी मुख्य न्यायाधीश निता दीक्षित र जनकपुरका मुख्य न्यायाधीश विनोद शर्मा र डीएन पराजुलीलाई सर्वोच्च अदालतको न्यायाधीशमा सिफारिस गरेको थियो। उनीहरुको सिफारिसपछि रिक्त मुख्य न्यायाधीशमा नियुक्ति गर्नका लागि पहिलो सूची सार्वजनिक गरेको हो। यी मध्येबाट उच्च अदालतको मुख्य न्यायाधीश नियुक्ति हुनेछन्।
त्यस्तै परिषद्को मंगलबारको बैठकले जिल्ला न्यायाधीश, कानुन व्यवसायी, न्याय सेवा, सरकारी वकिल र कानुन सेवाका कर्मचारीबाट आवेदन दिनेहरुको सर्ट लिस्ट सार्वजनिक गरेको हो।
परिषद्ले जिल्ला न्यायाधीशबाट ३८, कानुन व्यवसायीबाट २५, न्याय सेवाबाट ७, सरकारी वकिल समूहबाट ७ र कानुन सेवाका कर्मचारीबाट ४ कर्मचारी छनोट गरेको थियो। परिषद्ले केही समयअघि उच्च अदालका लागि न्यायाधीश नियुक्तिसम्बन्धी मापदण्डका आधारमा निवेदन माग गरेको थियो।
करिब ३०० सय जनाले आवेदन दिएका थिए। तीमध्ये पहिलो चरणमा उनीहरुको नाम छनोट गरिएको हो। अब परिषद्ले फेरि मौखिक रुपमा परीक्षा लिएर ८१ जनाको छनोट गर्ने हो।
यस्तो छ सूची
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
