१७ संस्थालाई कर बुझाउन महानगरको ताकेता : नबुझाउनेमा खाद्य संस्थान, नाचघरदेखि कर्मचारी सञ्चय कोषसम्म

राजनीति

नेपाल लाइभ मंगलबार, भदौ २१, २०७९ १७:१९

काठमाडौं– काठमाडौं महानगरपालिकाले १७ संस्थालाई कर बुझाउन पत्र काटेको छ। महानगरले मंगलबार एक पत्र लेख्दै १० दिनभित्र ती संस्थाहरुलाई सम्पत्ति कर बुझाउन ताकेता गरेको हो।

सम्पत्ति कर नबुझाउनेमा हाइट फिल स्कूल, रञ्जना ट्रेड सेन्टर, साझा भण्डार, राष्ट्रिय नाचघर, चेम्बर अफ कमर्स, कर्मचारी सञ्चय कोष, नेपाल विद्युत् प्राधिकरण, नेशनल ट्रेडिङ लिमिटेड, नेपाली जामे मस्जिद, कृषि सामग्री संस्थान, मनमोहन मेमोरियल कलेज एन्ड शिक्षण अस्पताल, आरवि कम्प्लेक्स, काठमाडौं प्लाजा, नेपाल सेयर मार्केट, सिविक हस्पिटल प्रालि र डेन्टल कलेज रहेका छन्।

महानगरपालिकाबाट सम्पत्ति कर बुझाउन पटक–पटक ताकेता हुँदै आएकोमा हालसम्म पनि उनीहरूले सम्पत्ति कर नबुझाएको महानगरले जनाएको छ।

‘पत्र प्राप्त भएको मितिले १० दिनभित्र सम्बन्धित वडा कार्यालयमा गइ नियमानुसारको सम्पत्ति कर र सो को जरिवानासहित बुझाउनु हुन अनुरोध छ,’ उक्त पत्रमा थप भनिएको छ, ‘अन्यथा महानगरपालिकाको राजस्व ऐन, २०७५ बमोजिम कारबाही गरी बाँकी कर रकम सरकारी बाँकी सरह असुल उपर गरिने छ।’

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आत्मिक अनुशासन, आपसी सद्भाव र सामाजिक सहिष्णुताले मात्रै शान्ति स्थापना हुन्छ : पूर्वराष्ट्रपति

क्यानडाले रुसी तेल ट्याङ्कर र जहाजहरूमा लगायो नयाँ प्रतिबन्ध

दुर्लभ खनिज भण्डारमा अमेरिकासँग सम्झौता गर्न युक्रेन सहमत