३२ लाख ताइवान रकमसहित पक्राउ परेका धावा जेल चलान

सुरक्षा/अपराध

नेपाल लाइभ बुधबार, भदौ १५, २०७९ १४:०४

काठमाडौं– ३२ लाख ताइवान रकमसहित पक्राउ परेका गोरखाको चुमनुब्री–१ का धावा घ्याल्चेन जेल चलान भएका छन्। काठमाडौं जिल्ला अदालतले धावालाई राष्ट्र बैंक ऐन, २०५८ अन्तर्गतको कसूरमा पुर्पक्षका लागि कारागार पठाएको हो।

साउन १८ गते धावालाई प्रहरीले काठमाडौंको तीनचुलीबाट ३२ लाख ताइवान रकमसहित पक्राउ गरेको थियो।

उनको कोठा खानतलासी गर्दा १७ लाख ५० हजार नेपाली रकम पनि बरामद भएको थियो। धावाविरुद्ध हुण्डीमार्फत् ताइवानबाट रकम पठाएको आरोपमा पक्राउ परेर मुद्दा चलाइएको थियो।

उक्त मुद्दामा उनी पुर्पक्षका लागि कारागार चलान गरिएका हुन्। उनलाई केन्द्रीय कारागार सुन्धारा पठाइएको जिल्ला प्रहरी परिसर काठमाडौंका एसपी तथा प्रवक्ता दिनेशराज मैनालीले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कञ्चनपुरमा डिउटीमा रहेका प्रहरीले आफैंलाई गोली हाने, अवस्था गम्भीर

अहिल्यै सरकार परिवर्तन हुने कुनै कारण छैन : कांग्रेस नेता कोइराला

सङ्खुवासभाबाट एक अर्ब बढीको अलैँची निर्यात