सुर्खेत– तीजको नाच हेर्ने बेलामा झडप हुँदा सुर्खेतमा १ जनाको मृत्यु भएको छ। सुर्खेतको वीरेन्द्रनगर नगरपालिका–१० बामेखोला पटानटोलमा २ समूहबीचको झडपमा १ जनाको मृत्यु भएको जिल्ला प्रहरी कार्यालय सुर्खेतले जानकारी दिएको छ।
पाटनखोलामा तीजको नाच हेर्ने क्रममा मंगलबार राति युवाहरुको २ समूहबीच झडप भएको थियो। झडपमा स्थानीय २४ वर्षीय रोशन जिसीको मृत्यु भएको जिल्ला प्रहरी कार्यालय सुर्खेतका प्रहरी नायब उपरीक्षक (डीएसपी) सुरज कार्कीले जानकारी दिए।
‘स्थानीयसँग सोधपुछ गर्दा २ समूहबीच झडप हुँदा जिसीको मृत्यु भएको भन्ने बुझिन आएको छ,’ डीएसपी कार्कीले भने।
डीएसपी कार्कीका अनुसार मृतक युवकको टाउकोमा गम्भीर चोट लागेको छ। प्रहरीले घटनामा संलग्नहरुको खोजी भइरहेको र घटनाको थप अनुसन्धान जारी रहेको जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_Tr387xuecJ-1778130428.jpg)
-1764146706.png)
