प्रतिकात्मक तस्बिर काठमाडौं– लुडो खेलेको आरोपमा पक्राउ परेका ७ जनाविरुद्ध जिल्ला अदालत कास्कीमा जुवा मुद्दा दर्ता भएको छ।
प्रहरीको टोलीले भदौ ७ गते लुडो खेलिरहेको अवस्थामा ७ जनालाई पक्राउ गरेको थियो। पक्राउ परेका ७ जनामाथि अनुसन्धान सकेर जुवा मुद्दा दर्ता भएको हो।
प्रहरीले पोखरा महानगरपालिका–१० उत्तम चोकबाट पोखरा–२६ का नवीन गौचन, पोखरा–१९ का श्याम श्रेष्ठ, पोखरा–१५ का गणेशहादुर मल्ल, पोखरा–८ का आत्मराम अर्याल, पोखरा–१० का अग्नीप्रसाद भट्टराई, पोखरा–१० का नवराज गिरी र पोखरा–१० कै असन श्रेष्ठलाई पक्राउ गरेको थियो।
उनीहरुबाट प्रहरीले २ लाख ४ हजार ५ सय बरामद गरेको थियो। ठूलो रकममा हारजित हुनेगरी लुडो खेलेको भन्दै उनीहरुलाई वडा प्रहरी कार्यालय रामबजारबाट खटिएको प्रहरी टोलीले पक्राउ गरेको थियो।
पक्राउ गरेर ५ दिनसम्म हिरासतमा राखेर अनुसन्धान गरिसकेपछि भदौ १३ गते उनीहरुविद्ध मुद्दा दर्ता गरिएको हो।
मुलुकी फौजदारी अपराध संहिताको दफा १२५ को कसुरमा उनीहरुविरुद्ध मुद्दा दर्ता गरिएको छ। दफा १२५ मा जुवा खेल्न जा सट्टाबाजी गर्न नहुने उल्लेख गरिएको छ। लुडोलाई पनि जुवा सरह मान्दै मुद्दा दर्ता भएको हो।
उनीहरुविरुद्ध लगाइएको कसुर पुष्टि भएमा ३ महिनासम्म कैद वा ३० हजार रुपैयाँसम्म जरिवाना हुनसक्ने कानुनी प्रावधान छ। उनीहरु विरुद्धको मुद्दाको पेसी जिल्ला न्यायाधीश प्रकाश खरेलको इजलासमा परेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1737553044.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
